The Smashing Pumpkins

The Smashing Pumpkins^[2] — ამერიკული ალტერნატიული როკ-ჯგუფი, რომელიც ჩამოყალიბდა ჩიკაგოში (ილინოისი) 1988 წელს. მასში თავდაპირველად შედიოდნენ ბილი კორგენი (წამყვანი ვოკალი, გიტარა) და ჯეიმზ აიჰა (გიტარა). სხვა წევრებს შორის იყვნენ დ'არსი რეცკი (ბას-გიტარა) და ჯიმი ჩემბერლინი (დასარტყმელი საკრავები). შემდგომში შემადგენლობაში მრავალი ცვლილება მოხდა, თუმცა კორგენი უცვლელ ლიდერად რჩებოდა. ამჟამად ჯგუფის მთავარი წევრები არიან კორგენი და ჯეფ შრედერი (რიტმული გიტარა).

The Smashing Pumpkins
ჯგუფი 2019 წელს, Rock am Ring, გერმანია
ბიოგრაფია
წარმოშობა	ჩიკაგო, ილინოისი, აშშ
ჟანრ(ებ)ი	ალტერნატიული როკი
აქტიური	1988—2000, 2006—დღემდე
ლეიბლ(ებ)ი	Caroline Constantinople Hut Martha's Rocket Science Virgin BMG Reprise Warner Bros. Sub Pop Napalm Sumerian[1]
წევრები	ბილი კორგენი ჯეიმზ აიჰა ჯიმი ჩემბერლინი
ყოფილი წევრები	დ'არსი რეცკი მელისა აუფ დერ მაური მაიკ ბირნი ნიკოლ ფიორენტინო ჯეფ შრედერი
საიტი	smashingpumpkins.com
The Smashing Pumpkins ვიკისაწყობში

უარი თქვა რა იმ დროის სხვა მუსიკოსების მიერ ამოჩემებულ პანკ-როკის მიმართულებაზე^[3], The Smashing Pumpkins-მა ჟღერადობა ააგო უფრო რთული, გიტარაზე დამოკიდებული, გოთიკური როკის, მძიმე მეტალის^[4], დრიმ-პოპის, ფსიქოდელიური როკის^[4], პროგრესული როკის, შუგეიზინგის და, გვიანდელ ალბომებში, ელექტრონიკის ელემენტებზე. კორგენი ჯგუფის სიმღერების ძირითადი ავტორია. სწორედ მისი მუსიკალური ამბიციების და კათარზისული ტექსტების მეშვეობით ჩამოყალიბდა ალბომების და სიმღერების ტრადიცია. ზოგიერთი მათ უწოდებს „ბილი კორგენის ღამის კოშმარების ტკივილით და დაჟეჟილობებით სავსე მოხსენებებს.“^[5]

The Smashing Pumpkins-მა მეინსტრიმულ წარმატებას მიაღწია მეორე ალბომით, Siamese Dream (1993). აქტიური საკონცერტო მოღვაწეობით და 1995 წლის ალბომით Mellon Collie and the Infinite Sadness მან მრავალი მსმენელი შეიძინა. უკანასკნელი Billboard 200-ში გამოსვლისთანავე პირველ ადგილზე მოხვდა და მხოლოდ აშშ-ში 20 მილიონი ასლის სახით გაიყიდა^[6][7]. The Smashing Pumpkins იყო 1990-იანების ერთ-ერთი კომერციულად ყველაზე წარმატებული და კრიტიკოსების მიერ აღიარებული კოლექტივი. თუმცა, შიდა დაპირისპირებების, ნარკოტიკების გამო პრობლემების გამო, იგი 2000 წელს დაიშალა.

2006 წელს კორგენმა და ჩემბერლინმა ჯგუფი აღადგინეს და გამოსცეს Zeitgeist. 2007 და 2008 წელს, ტურნეს დროს მათ შეუერთდა ჯეფ შრედერი და ჩემბერლინი 2009 წლის დასაწყისში წავიდა. წლის ბოლოს კორგენმა დაიწყო ალბომების ახალი სერიის Teargarden by Kaleidyscope გამოშვება. მასში შედის სინგლები, EP-ები და ორი სრული ალბომი, ამ დროისთვის გამოცემული Oceania (2013) და Monuments to an Elegy (2014). 2016 წლისთვის კორგენი და შრედერი ჯგუფის ძირითადი წევრები იყვნენ, თუმცა ბილი მუშაობდა ყოფილ წევრებთანაც. ჩემბერლინი 2015 წლის ტურნეებში მონაწილეობს, აიჰა კი 2016 წლის კონცერტებზე გამოჩნდა. იმავე წლის შუა პერიოდში კორგენი აცხადებდა, რომ სურდა ჯგუფის ორიგინალური შემადგენლობის კვლავ შეკრება, თუმცა ამის შესახებ სიახლეები არსად გაჟღერებულა.

დისკოგრაფია

• Gish (1991)
• Siamese Dream (1993)
• Mellon Collie and the Infinite Sadness (1995)
• Adore (1998)
• Machina/The Machines of God (2000)
• Machina II/The Friends & Enemies of Modern Music (2000)
• Zeitgeist (2007)
• Oceania (2012)
• Monuments to an Elegy (2014)
• Shiny and Oh So Bright, Vol. 1 / LP: No Past. No Future. No Sun. (2018)
• Cyr (2020)
• Atum: A Rock Opera in Three Acts (2022–2023)

რესურსები ინტერნეტში

ვიკისაწყობში არის გვერდი თემაზე:

The Smashing Pumpkins

• ოფიციალური საიტი
• The Smashing Pumpkins საიტზე Curlie
• The Smashing Pumpkins AllMusic-ზე
• The Smashing Pumpkins საიტზე Discogs

სქოლიო

1. Smashing Pumpkins Sign With Sumerian, Release Two New Songs (August 28, 2020).
2. ჯგუფი მითითებულია როგორც The Smashing Pumpkins ყველა ალბომზე Mellon Collie-იდან (1995) Earphoria-ს ჩათვლით (2002), ისევე, როგორც Teargarden by Kaleidoscope-იდან (2009) Monuments to an Elegy-მდე (2014); და AllMusic-ზე. Gish-ზე (1991), Siamese Dream-ზე (1993) Zeitgeist-ზე (2007), ისევე, როგორც Billboard-ის მონაცემთა ბაზაში წერია Smashing Pumpkins. Rolling Stone-ის საიტზე არსებობს ორი მონაცემთა ბაზა - Smashing Pumpkins და The Smashing Pumpkins.
3. Eliscu, Jenny (May 1, 2000). „Pumpkin Pugilism“. New York. 33 (17): 122.
4. William E. Watson and Eugene J. Halus, Jr.. Irish Americans: The History and Culture of a People. ABC-CLIO.
5. William Shaw (December 1993). „Appetite for Destruction“. Details.
6. Searchable Database. riaa.com. დაარქივებულია ორიგინალიდან — July 25, 2013. ციტირების თარიღი: March 1, 2012.
7. There are differing reports on the Pumpkins's worldwide sales at the time of their breakup: Jim DeRogatis, in December 2000, reported a total of "twenty-two million copies sold". David Fricke, that same month, wrote of the band's "more than twenty-five million records sold worldwide". See Jim DeRogatis (2003). Milk It!: Collected Musings on the Alternative Music Explosion of the 90's. Da Capo, გვ. 89.; David Fricke (December 22, 2000). „Smashing Pumpkins Look Back in Wonder“. Rolling Stone. ციტირების თარიღი: March 1, 2012.