წითიხოხი

წითიხოხი — მწვერვალი საქართველოსა და რუსეთის (ჩრდილოეთი ოსეთი) საზღვარზე, მცხეთა-მთიანეთის მხარეში, ყაზბეგის მუნიციპალიტეტში. მდებარეობს ხოხის ქედზე, მწვერვალ სუათისის დასავლეთით, მდინარე სუათისის (თერგის მარცხენა შენაკადი) სათავეში. სიმაღლე ზღვის დონიდან 3905 მ. ჩრდილო-დასავლეთ კალთაზე ეშვება მყინვარი წითი. აგებულია იურული ფიქლებითა და დიორიტ-დიაბაზური წარმონაქმნებით. დამახასიათებელია ნივალური და სუბნივალური ლანდშაფტი.

წითიხოხი
კოორდინატები: 42°42′37″ ჩ. გ. 44°21′01″ ა. გ.
ქვეყანა	საქართველო  რუსეთი
ტერიტორიული ერთეული	მცხეთა-მთიანეთის მხარე ჩრდილოეთი ოსეთი
სიმაღლე	3905 მ
ქედი	ხოხის ქედი
ამგებელი ქანები	ფიქალი და დიორიტ-დიაბაზური წარმონაქმნი

ლიტერატურა

• უთმელიძე მ., ქართული საბჭოთა ენციკლოპედია, ტ. 11, თბ., 1987. — გვ. 322.