ფიჭვის პარკხვევია
From Wikipedia, the free encyclopedia
From Wikipedia, the free encyclopedia
ფიჭვის პარკხვევია (ლათ. Dendrolimus pini) — პეპელა პარკხვევიების ოჯახისა. წიწვოვანთა მავნებელია,[1] განსაკუთრებით ჩვეულებრივი ფიჭვისა.[2] მისი ფრთების შლილი 60–90 მმ აღწევს. უმეტესად მორუხო-მოყავისფროა,[1] წინა ფრთებზე შუაში აზის მცირე ზომის ღია ლაქა.[2] მუხლუხის სიგრძე დაახლოებით 75 მმ-ია, ფერად რუხია, აქვს შხამიანი მოწითალო ბეწვები. გავრცელებულია იქ, სადაც ფიჭვი და წიწვოვანი ხეებია. საქართველოში უმეტესად გვხვდება ბორჯომის ხეობის ფიჭვნარებში.[1]
| ფიჭვის პარკხვევია | |||||||||||||||
|---|---|---|---|---|---|---|---|---|---|---|---|---|---|---|---|
.jpg) | |||||||||||||||
| მეცნიერული კლასიფიკაცია | |||||||||||||||
| |||||||||||||||
| ლათინური სახელი | |||||||||||||||
| Dendrolimus pini (Linnaeus, 1758) | |||||||||||||||
| სინონიმები | |||||||||||||||
| |||||||||||||||
| |||||||||||||||
ხასიათდება ერთწლიანი გენერაციით.[3] კვერცხს დებს ჯგუფურად წიწვებსა და ტოტებზე,[1] 50–50 ცალს, ნაყოფიერება 200–400 კვერცამდეა.[2][3] კვერცხის ფაზა 25 დღემდე გრძელდება.[1] მუხლუხის ფაზა აგვისტოდან მეორე წლის ივნისამდე გრძელდება.[3] გამოიზამთრებს მკვდარ საფარში 5–6 სმ სიღრმეზე. აპრილში მუხლუხი ხეზე ადის და წიწვებით იკვებება,[1] კვება გრძელდება მაისის ბოლომდე.[3] ივნისის პირველ ნახევარში ჭუპრდება სპეციალურ პარკებში, ხის ქერქის ნაპრალებში.[1] ჭუპრის ფაზა 20 დღეს გრძელდება. ჭუპრებიდან პეპლები იწყებენ გამოსვლას ივნისის მეორე ნახევარში.[3] პეპლების მასიური ფრენა ივლისის შუა ხანებიდან იწყება[2] და გრძელდება 40 დღეს. ფრენა დაბინდებიდან დილამდე მიმდინარეობს.[3] მასიური გამრავლების შემთხვევაში მნიშვნელოვან ზიანს აყენებს ფიჭვის მომწიფებულ ერთგვაროვან ნარგავებს.[2] მავნებლის წინააღმდეგ ბრძოლაში კარგ შედეგს იძლევა ქლოროფოსის ან ბაქტერიული პრეპარატების შესხურება და სხვა.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
