ნინო წილოსანი

ნინო წილოსანი (დ. 19 თებერვალი, 1982, თბილისი)^[1] — ქართველი პოლიტიკოსი. საქართველოს ორი მოწვევის (2016, 2020) პარლამენტის წევრი, საქართველოს პარლამენტის თავმჯდომარის მოადგილე 2024 წლის 21 თებერვლიდან,^[2] „ქართული ოცნების“ ქალთა ორგანიზაციის გამგეობის თავმჯდომარე (2022-), გენდერული თანასწორობის მუდმივმოქმედი საპარლამენტო საბჭოს თავმჯდომარე.

ნინო წილოსანი
დაბადების თარიღი	19 თებერვალი, 1982 (1982-02-19) (42 წლის)
დაბადების ადგილი	თბილისი, საქართველოს სსრ, სსრკ
მოქალაქეობა	საქართველო
განათლება	ივანე ჯავახიშვილის სახელობის თბილისის სახელმწიფო უნივერსიტეტი
ეროვნება	ქართველი
პარტია	ქართული ოცნება
შვილ(ებ)ი	3
parliament.ge/ge/mp/5694

ბიოგრაფია

განათლება

2002 წელს დაამთავრა თბილისის სახელმწიფო უნივერსიტეტი, საერთაშორისო ეკონომიკურ ურთიერთობათა ფაკულტეტი, მაგისტრის ხარისხი. 2007 წელს გაიარა აუდიტის სასწავლო კურსი (Association of Chartered Certified Accountants); 2015 წელს ოქსფორდის უნივერსიტეტში შეისწავლა პოლიტიკის საწყისები.

სამუშაო გამოცდილება

2003-2007 წლებში იყო სს ელექტროვაგონშემკეთებელი ქარხნის საფინანსო ეკონომიკური განყოფილების უფროსი. 2008-2011 წლებში ვაგონმშენებელი კომპანიის საფინანსო-ეკონომიკური დეპარტამენტის უფროსი. 2008-2016 წლებში - შპს „ვაგონშემკეთებელი კომპანიის“ სამეთვალყურეო საბჭოს თავმჯდომარე. ამავე კომპანიაში ეკავა საფინანსო-ეკონომიკური სამსახურის უფროსის თანამდებობა. ასევე, იყო „წილოსანის ფონდის“ დამფუძნებელი და პრეზიდენტი; საქართველოს დამსაქმებელთა ასოციაციის ვიცე-პრეზიდენტი. 2021 წელს გახდა WPL (Women Political Leaders) ქვეყნის ელჩი. ^[3]

2016 წელს წილოსანი „ქართულმა ოცნებამ“ ლანჩხუთისა და ჩოხატაურის მაჟორიტარობის კანდიდატად წარადგინა. პირველ ტურში მიიღო 47,04% (14 963 ხმა). ^[4] მეორე ტურში მიიღო 74,76% (19 227 ხმა) და არჩევნებში გამარჯვება მოახერხა. ^[5] 2016-2020 წლებში იყო საქართველოს მე-9 მოწვევის პარლამენტის წევრი (ლანჩხუთისა და ჩოხატაურის მაჟორიტარი), საარჩევნო ბლოკი: „ქართული ოცნება — დემოკრატიული საქართველო“. ფრაქცია „ქართული ოცნების“ მდივანი.

2020 წლის საპარლამენტო არჩევნებისთვის ნინო წილოსანი „ქართული ოცნების“ პროპორციული სიის 24-ე ნომრად დასახელდა.^[6] 2020 წლიდან არის საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ქართული ოცნება — დემოკრატიული საქართველო“.^[7] 2020 წლიდან საქართველოს პარლამენტის აგრარულ საკითხთა კომიტეტის თავმჯდომარე.

2022 წლის 14 მაისს დაფუძნდა „ქართული ოცნების“ ქალთა ორგანიზაცია. ^[8] ქალთა ორგანიზაციის გამგეობის თავმჯდომარედ არჩეული იქნა ნინო წილოსანი. ^[9]

ფლობს ინგლისურ და რუსულ ენებს.

რესურსები ინტერნეტში

• ნინო წილოსანი — საქართველოს პარლამენტის ოფიციალური საიტი (მოძველებული / არქივი / ახალი არქივი)
• ნინო წილოსანი — საქართველოს ბიოგრაფიული ლექსიკონი

სქოლიო

1. ნინო წილოსანის ქონებრივი დეკლარაცია. declaration.gov.ge (2020-01-31). დაარქივებულია ორიგინალიდან — 2022-01-25. ციტირების თარიღი: 19 დეკემბერი, 2020.
2. „ნინო წილოსანი პარლამენტის ვიცე-სპიკერი გახდა“. 1tv.ge. ციტირების თარიღი: 15 მარტი, 2024. შეამოწმეთ თარიღის პარამეტრი |access-date=-ში (დახმარება)
3. WPL Country Ambassadors
4. არჩევნები 2016
5. არჩევნები 2016 – მეორე ტური
6. საპარლამენტო არჩევნების პარტიული სია^{[მკვდარი ბმული]}
7. ცენტრალურმა საარჩევნო კომისიამ საქართველოს პარლამენტის 2020 წლის 31 ოქტომბრის არჩევნები შეაჯამა. ცესკო (2020-12-03). დაარქივებულია ორიგინალიდან — 2020-12-15. ციტირების თარიღი: 19 დეკემბერი, 2020.
8. „ქართულმა ოცნებამ“ ქალთა ორგანიზაცია დააფუძნა
9. „ქართული ოცნების“ ქალთა ორგანიზაციამ ერთწლიანი მუშაობა შეაჯამა