კეიტ უინსლეტი
From Wikipedia, the free encyclopedia
კეიტ ელიზაბეთ უინსლეტი (ინგლ. Kate Elizabeth Winslet; დ. 5 ოქტომბერი 1975) — ბრიტანეთის იმპერიის ორდენის მფლობელი ინგლისელი მსახიობი. სხვადასხვა დროს 6-ჯერ იყო ნომინირებული ოსკარის პრემიაზე. გაიმარჯვა მხოლოდ ერთხელ ნომინაციაში საუკეთესო მსახიობი ქალი შესრულებული როლისთვის ფილმში „მკითხველი“. დაჯილდოებულია კინომსახიობთა გილდიის, ბრიტანული კინოაკადემიის, ჰოლივუდის უცხოური პრესის ასოციაციის პრემიებით; აგრეთვე 2-ჯერ იყო ნომინირებული ემის პრემიაზე და 3-ჯერ ოქროს გლობუსზე.
| კეიტ უინსლეტი | |
|---|---|
.jpg) | |
| დაბადების სახელი | კეიტ ელიზაბეთ უინსლეტი |
| დაბადების თარიღი |
5 ოქტომბერი, 1975 რედინგი, დიდი ბრიტანეთი |
| საქმიანობა | მსახიობი |
| აქტიური | 1991–დღემდე |
| მეუღლე(ები) |
ჯიმ თრიპლტონი (1998–2001) სემ მენდესი (2003–2010) |
| BAFTA |
საუკეთესო მსახიობი ქალი მეორეხარისხოვან როლში |
| ოქროს გლობუსი |
საუკეთესო მსახიობი ქალი დრამაში |
| ოსკარი | მკითხველი (2008) |
უინსლეტი პატარა ასაკიდანვე დაეუფლა დრამას. კარიერა დაიწყო 1991 წელს ერთ-ერთ ბრიტანულ ტელესერიალში. კინოდებიუტი შედგა 1994 წელს ფილმში „ზეციური არსებები“, რის შემდეგ კინოკრიტიკოსებმა უინსლეტის შემოქმედება დადებითად შეაფასეს. შემდეგ იყო ფილმები „გრძნობა და გონება“ და „ტიტანიკი“. ეს უკანასკნელი იქცა უინსლეტის კარიერაში ყველაზე უხვშემოსავლიან კინოდ.
2000 წლიდან მოყოლებული უინსლეტის კინოშემოქმედებას კინოკრიტიკოსები მაღალ შეფასებას აძლევენ. ამ პერიოდში აღსანიშნავია შესრულებული როლები ფილმებში: „მარკიზ დე სადის კალამი“ (2000), „აირისი“ (2001), „ბრწყინვალე გონების მუდმივი ნათება“ (2004), „ჯადოსნური ქვეყანა“ (2004), „პატარა ბავშვები“ (2006), „მკითხველი“ (2008), „რევოლუციური გზა“ (2008). უკანასკნელ ფილმში შესრულებული როლის შემდეგ New York Magazine-ის ამერიკელმა კინოკრიტიკოსმა დევიდ ედელშტეინმა აღნიშნა:
 |
„კეიტ უინსლეტი არის მისივე თაობის ინგლისურ ენაზე მოსაუბრე საუკეთესო მსახიობი.“ |
კომერციული თვალსაზრისით უინსლეტის წარმატებული ნამუშევრებია რომანტიკული კომედია „შვებულება გადაცვლით“ და ანიმაციური ფილმი „ჩარეცხილი“ (ორივე 2006). ამ უკანასკნელში ახმოვანებს ერთ-ერთ პერსონაჟს.
ბიოგრაფია
კეიტ უინსლეტი დაიბადა 1975 წლის 5 ოქტომბერს ქალაქ რედინგში, მამამისის საცურაო აუზების კონტრაქტორის როჯერ უინსლეტისა და დედამისის მებუფეტეს სალი ბრიჯესის ოჯახში. ჰყავს ორი და და ერთი ძმა. ბებიამისი და ბაბუამისი დედის ხაზით, შესაბამისად ლინდა და არჩიბალდ ოლივერ ბრიჯესი იყვნენ რეპერტუარული თეატრის დამფუძნებლები და მმართველები. კეიტის უფროსი და ანა და უმცროსი და ბეთი აგრეთვე მსახიობები არიან. ჰყავს უმცროსი ძმა.
კეიტ უინსლეტმა 11 წლის ასაკში რედრუფის სკოლის თეატრში დაიწყო დრამის შესწავლა. ერთი წლის შემდეგ გამოჩნდა სატელევიზიო რეკლამაში. როგორც მსახიობმა კარიერა დაიწყო 1991 წელს, როდესაც მიიღო როლი ერთ-ერთ სატელევიზიო სერიალში. 1990-იანი წლების დასაწყისში პარალელურად გამოდიოდა თეატრშიც. უინსლეტის პირველი ყველაზე მნიშვნელოვანი გარღვევა კინემატოგრაფში მოხდა 1994 წელს პიტერ ჯექსონის ფილმში „ზეციური ქმნილებები“. 1996 წელს მან მონაწილეობა მიიღო მაიკლ უინტერბოტომის ფილმში „ჯუდი“, რომელიც თომას ჰარდი რომანზე იყო დაფუძნებული. ვიქტორიანული ეპოქის შესახებ გადაღებულ ამ ფილმში უინსლეტმა შეასრულა როლი სიუ ბრაიდჰედის, სუფრაჟისტული მისწრაფებების ახალგაზრდა ქალისა, რომელსაც მისი ბიძაშვილი შეუყვარდება. კრიტიკის მიერ მოწონებულკი ფილმი კომერციულად ჩავარდა, მოიგო რა მხოლოდ 2 მილიონი აშშ დოლარი.[1][2] უინსლეტის შესრულება დადებითად შეაფასეს[3]
სხვადასხვა დროს მოუწია თამაში ფილმებში: „ტიტანიკი“, „მარკიზ დე სადის კალამი“, „დევიდ გეილის ცხოვრება“, „ჯადოსნური ქვეყანა“, „ბრწყინვალე გონების მუდმივი ნათება“, „მეფის მთელი მხედრიონი“, „მკითხველი“ და სხვ. ოსკარი მიენიჭა შესრულებული როლისთვის ფილმში „მკითხველი“. მოიპოვა 3 ოქროს გლობუსი და 2 ბაფტა, აგრეთვე გრემისა და ემის პრემია. ოსკარის პრემიაზე საერთო ჯამში 6-ჯერ იყო ნომინირებული.
პირადი ცხოვრება
სერიალ „ბნელი სეზონის“-ს გადაღებებზე გაიცნო მსახიობი სტივენ ტრედრი, რომელთანაც დაახლოებით 4 წელი ჰქონდა ურთიერთობა.[4] წყვილი ერთმანეთს 1995 წელს დაშორდა, თუმცა ურთიერთობა შეინარჩუნეს.[5] ფილმ „ტიტანიკის“ გადაღებებზე გაიცნო ლეონარდო დიკაპრიო, რომელთანაც დღემდე ახლო მეგობრობა აკავშირებს.[6] 1998 წლის 22 ნოემბერს უინსლეტი დაქორწინდა ჯიმ თრიპლეტონზე, რომლებმაც ერთმანეთი გაიცნეს 1997 წელს ფილმ „ექსპრესი მარაკეშში“ გადაღებებზე.[7][8] 2000 წლის 12 ოქტომბერს შვილი შეეძინათ. 2001 წლის 13 დეკემბერს წვილი ერთმანეთს დაშორდა. შემდეგ წლებში უინსლეტს ურთიერთობა ჰქონდა რეჟისორ სემ მენდესთან. ისინი დაქორწინდნენ 2003 წლის 24 მაისს.[7] 2003 წლის 22 დეკემბერს წყვილს შვილი შეეძინა.[7]
2010 წლის მარტში უინსლეტმა და მენდესმა გაყრის შესახებ განცხადება გააკეთეს.[9] დღეისათვის განქორწინებულები არიან.[10][11][12][13]
ფილმოგრაფია
| წელი | ქართულად | მშობლიური სახელწოდება | როლი | |
|---|---|---|---|---|
| 1991 | ს | ბნელი სეზონი | Dark Season | რიტა |
| 1992 | ს | უკან მიღება | Get Back | ელეანორი |
| 1994 | ფ | ზეციური ქმნილებები | Heavenly Creatures | ჯულიეტი |
| 1995 | ფ | პირველი რაინდი მეფე ართურის კარზე | A Kid in King Arthur's Court | პრინცესა სარა |
| 1995 | ფ | გრძნობა და გონება | Sense and Sensibility | მარიანა |
| 1996 | ფ | ჯუდი | Jude | სიუ |
| 1996 | ფ | ჰამლეტი | Hamlet | ოფელია |
| 1997 | ფ | ტიტანიკი | Titanic | როუზი |
| 1998 | ფ | ექსპრესი მარაკეშში | Hideous Kinky | ჯულია |
| 1999 | ფ | ჰარი ფერიების ქვეყანაში | Faeries | ბრიჯიტი |
| 1999 | ფ | წმინდა კვამლი | Holy Smoke! | რუთ ბარონი |
| 2000 | ფ | მარკიზ დე სადის კალამი | Quills | მედი |
| 2001 | ფ | ენიგმა | Enigma | ესტერი |
| 2001 | ფ | საშობაო ამბავი | Christmas Carol: The Movie | ბელი |
| 2001 | ფ | აირისი | Iris | აირის მერდოკი |
| 2003 | ფ | დევიდ გეილის ცხოვრება | The Life of David Gale | ბიტსი |
| 2004 | ფ | ბრწყინვალე გონების მუდმივი ნათება | Eternal Sunshine of the Spotless Mind | კლემენტინა |
| 2004 | ფ | ჯადოსნური ქვეყანა | Finding Neverland | სილვია |
| 2005 | ფ | სიყვარული და სიგარეტები | Romance & Cigarettes | ტულა |
| 2006 | ფ | მეფის მთელი მხედრიონი | All the King's Men | ენ სტენტონი |
| 2006 | ფ | პატარა ბავშვები | Little Children | სარა |
| 2006 | ფ | ჩარეცხილი | Flushed Away | რიტა |
| 2006 | ფ | შვებულება გადაცვლით | The Holiday | აირისი |
| 2006 | ფ | წყალქვეშა სამყაროს საიდუმლოები | Deep Sea 3D | მთხრობელი |
| 2008 | ფ | გოგონა და მელა | The Fox and the Child | მთხრობელი |
| 2008 | ფ | მკითხველი | The Reader | ჰანა |
| 2008 | ფ | რევოლუციური გზა | Revolutionary Road | ეიპრილი |
| 2011 | ს | მილდრედ პირსი | Mildred Pierce | მილდრედ პირსი |
| 2011 | ფ | ინფიცირება | Contagion | ერინ მირსი |
| 2011 | ფ | ჟლეტა | Carnage | ნენსი |
| 2014 | ფ | შრომის დღე | Labor Day | ადელ უილერი |
| 2015 | ფ | სტივ ჯობსი | Steve Jobs | ჯოანა ჰოფმანი |
რესურსები ინტერნეტში
ვიკისაწყობში არის გვერდი თემაზე:
სქოლიო
Wikiwand - on
Seamless Wikipedia browsing. On steroids.