ენდი გარსია

ენდი გარსია (ესპ. Andrés Arturo García Menéndez; დ. 12 აპრილი 1956, ბეხუკალი — კუბა) — ამერიკელი მსახიობი, კინორეჟისორი და კინოპროდიუსერი. პრემია ALMA-ს ნომინანტი (2007 წ.) საუკეთესო სარეჟისორო ნამუშევრისთვის ფილმისთვის „დაკარგული ქალაქი“.

ენდი გარსია
დაბადების სახელი	ანდრე არტურო გარსია მენენდესი
დაბადების თარიღი	12 აპრილი, 1956 (1956-04-12) (68 წლის) ჰავანა, კუბა
საქმიანობა	მსახიობი
აქტიური	1978–დღემდე
მეუღლე(ები)	მარივი ლორიდო გარსია (1982–დღემდე)

ბიოგრაფია

ენდი გარსია დაიბადა 1956 წლის 12 აპრილს ქალაქ ჰავანაში. როდესაც მას 5 წელი შეუსრულდა მისი ოჯახი ქვეყანაში დატრიალებული რევოლუციის გამო იძულებული გახდა ემიგრირებული ამერიკის შეერთებულ შტატებში. დედამისი ამელი მენენდესი ოყო ინგლისური ენის მასწავლებელი, ხოლო მამამისი რენე გარსია ფერმერი, რომელიც ავოკადოზე მუშაობდა. მოგვიანებით მან აშშ-ში გახსნა სხვადასხვა არომატების ბიზნესი.^[1][2] ბავშვობიდანვე კალათბურთელობაზე ოცნებობდა. ენდი გარსიამ დაამთავრა ფლორიდის საერთაშორისო უნივერსიტეტი.^[3] 1978 წელს გარსია საცხოვრებლად ლოს-ანჟელესში გადადის, გამოიდიოდა დამოუკიდებელ თეატრალურ ჯგუფებში. შემდეგ დროდარდო იღებდა მცირე როლებს ტელევიზიაშიც. 1980-იანი წწ. დასაწყისში მონაწილეობა მიიღო რამდენიმე ტელესერიალში.

მისი კინოკარიერა სწორედ 1980-იანი წლებიდან იწყება. ამ პერიოდში შესრულებული კინოროლებიდან აღსანიშნავია: „რვა მილიონი ხერხი თუ როგორ უნდა მოკვდე“, „ხელშეუხებელნი“, „შავი წვიმა“. 80-იან წწ. ენდი გარსიას უმთავრესად სერიოზულ როლებში უწევდა გამოსვლა. წარმატებით გაგრძელდა მისი კინოკარიერა 1990-იან წლებშიც. 1990 წელს მიიღო როლი კინოში „ნათლიმამა III“, ხოლო 1995 წელს „რით დაკავდეს მკვდარი დენვერში“.

ერთ-ერთი საუკეთესო როლი შეასრულა ფილმში „მოდილიანი“, სადაც იტალიელი მხატვრის ამადეო მოდილიანის სახე განასახიერა. მნიშვნელოვანი იყო ასევე მისი როლები ფილმებში: „ამნეზია“, „ჰაერი ,რომლითაც ვსუნთქავ“ და სხვ.

ფილმოგრაფია

წელი		ქართულად	მშობლიური სახელწოდება	როლი
1986	ფ	რვა მილიონი ხერხი თუ როგორ უნდა მოკვდე	8 Million Ways to Die	ანხელ მოლდონადო
1987	ფ	ხელშეუხებელნი	The Untouchables	ჯორჯ სტოუნი
1989	ფ	შავი წვიმა	Black Rain	დეტექტივი ჩარლი ვინსენტი
1990	ფ	ნათლიმამა III	The Godfather Part III	ვინსენტ მანჩინი
1992	ფ	გმირი	Hero	ჯონ ბაბერი
1995	ფ	რით დაკავდეს მკვდარი დენვერში	Things to Do in Denver When You're Dead	ჯიმი ტოსნია
2001	ფ	ოუშენის თერთმეტი მეგობარი	Ocean's Eleven	ტერი ბენედიქტი
2004	ფ	ოუშენის თორმეტი მეგობარი	Ocean's Twelve	ტერი ბენედიქტი
2004	ფ	ამნეზია	Twisted	მაიკ დელმარკო
2004	ფ	მოდილიანი	Modigliani	ამადეო მოდილიანი
2005	ფ	დაკარგული ქალაქი	The Lost City	ფიკო ფელოვი / რეჟისორი
2007	ფ	ოუშენის ცამეტი მეგობარი	Ocean's Thirteen	ტერი ბენედიქტი
2007	ფ	ჰაერი ,რომლითაც ვსუნთქავ	The Air I Breathe	ფინგერსი
2011	ფ	აგვისტოს 5 დღე	5 Days of War	მიხეილ სააკაშვილი
2014	ფ	მოკალი მაცნე	Kill the Messenger	ნორვინ მენეზესი

რესურსები ინტერნეტში

• ენდი გარსია კინოფილმების ინტერნეტ-მონაცემთა ბაზაში
• Andy Garcia interview for Smokin’ Aces დაარქივებული 2007-01-11 საიტზე Wayback Machine.
• Andy Garcia interview on his City Island diet
• Photos "Cristiada": Andy García filming in Durango, México დაარქივებული 2010-06-12 საიტზე Wayback Machine.
• Lisa Bradshaw, "Andy Garcia - Film star returns to Ghent after 22 years: "I've come full circle"" დაარქივებული 2012-04-26 საიტზე Wayback Machine. - article in Flanders Today