ედუარდი

ედუარდი (ინგლ. Lake Edward) — ტბა აღმოსავლეთ აფრიკაში, უგანდასა და კონგოს დემოკრატიულ რესპუბლიკაში. მდებარეობს მდინარე ნილოსის აუზში, აღმოსავლეთ აფრიკის რიფტული სისტემის დასავლეთ განშტოებაზე არსებულ ტექტონიკურ ღრმულში, ზღვის დონიდან 912 მ სიმაღლეზე. ფართობი — 2325 კმ², მაქსიმალური სიღრმე — 112 მ. სიგრძე — 77 კმ, სიგანე — 40 კმ. ჩრდილოეთი და სამხრეთი ნაპირები დაბალია. ტბიდან გამოდის მდინარე სემლიკი და ერთვის ალბერტის ტბას. ჩრდილო-აღმოსავლეთით უერთდება ჯორჯის ტბას. ტბის აკვატორია შედის ვირუნგისა და კუინ-ელიზაბეთის ეროვნულ პარკებში. ბინადრობენ ბეჰემოთები.

ედუარდი
ინგლ. Lake Edward
ედუარდის ტბა
კოორდინატები: 0°20′ ს. გ. 29°36′ ა. გ.
მდებარეობა	უგანდა  კონგოს დემოკრატიული რესპუბლიკა
სიმაღლე ზღვის დონიდან	912 მ
სიგრძე	77 კმ
სიგანე	40 კმ
ფართობი	2325 კმ²
მოცულობა	39,5 კმ³
საშუალო სიღრმე	17 მ
მაქსიმალური სიღრმე	112 მ
აუზის ფართობი	12 096 კმ²

1973-1979 წლებში, უგანდის დიქტატორის იდი ამინის პატივსაცემად ეწოდებოდა იდი-ამინ-დადა. ტბას სახელი „ედუარდი“ უწოდა ჰენრი მორტონ სტენლიმ, ედუარდ VII-ის პატივსაცემად. მდიდარია თევზით. განვითარებულია თევზჭერა.

იხილეთ აგრეთვე

• მსოფლიოს უდიდესი ტბების სია

რესურსები ინტერნეტში

• შეგიძლიათ იხილოთ მედიაფაილები თემაზე „ედუარდი“ ვიკისაწყობში.
• ედუარდი — სტატია ენციკლოპედია ბრიტანიკიდან (ინგლისური)