არწივი

არწივი^[1] (ლათ. Aquila) — ფრინველების გვარი ქორისნაირთა რიგისა.^[2] სხეულის წონა 6 კგ-მდეა (მთის არწივი), ფრთების შლილი 2–2,5 მ-მდე. თითები ბუმბულით შემოსილია გალომდე. გარეთა და შუა თითების ბრჭაყელი ძლიერ განვითარებულია, ფრთები — გრძელი და განიერი, ბოლო — მომრგვალებული. მამალი და დედალი ერთნაირი შეფერილობისაა. ცნობილია 14 სახეობა.^[2] გავრცელებულია ევრაზიაში, აფრიკასა და ჩრდილოეთ ამერიკაში. ცხოვრობს ტყეებში, ველებზე, ნახევრად უდაბნოებში, უდაბნოებში, მთამაღალზე. ბუდეს იკეთებს ხეებზე, კლდეებზე ან მიწაზე. დებს 1–3 კვერცხს, კრუხობა გრძელდება 40–45 დღეს. იკვებებიან პატარა და საშუალო ზომის ხერხემლიანი ცხოველებით, ზოგჯერ მძორითაც. ყველა არწივი (გარდა მთის და ქორისებრი არწივისა) სასარგებლოა, ვინაიდან ანადგურებს მავნე მღრღნელებს. შუა აზიაში მთის არწივს ათვინიერებენ და სანადიროდ იყენებენ. საქართველოში გვხვდება არწივის 6 სახეობა: მცირე არწივი, მყივანი არწივი, ბეგობის არწივი, ველის არწივი, მ. შ. არის როგორც მობინადრე, ისე მიმომფრენი სახეობები.

სხვა მნიშვნელობებისთვის იხილეთ არწივი (მრავალმნიშვნელოვანი).

არწივი
მთის არწივი
მეცნიერული კლასიფიკაცია
სამეფო:  ცხოველები ტიპი:  ქორდიანები კლასი:  ფრინველები რიგი:  ქორისნაირნი ოჯახი:  ქორისებრნი გვარი:  არწივი
ლათინური სახელი
Aquila (Brisson, 1760)
საქართველოში გავრცელებული არწივები.
მცირე არწივი მყივანი არწივი მთის არწივი ველის არწივი ბეგობის არწივი ჩია არწივი
სისტემატიკა ვიკისახეობებში სურათები ვიკისაწყობში ITIS   175406 NCBI   8960 EOL   20307 FW   94488

ლიტერატურა

• ქართული საბჭოთა ენციკლოპედია, ტ. 1, თბ., 1975. — გვ. 615.

რესურსები ინტერნეტში

არწივი ვიქსიკონში

• PBS Nature: Eagles დაარქივებული 2008-10-06 საიტზე Wayback Machine.
• PBS Video Episode: American Eagle
• Eagle photos დაარქივებული 2012-06-06 საიტზე Wayback Machine.

სქოლიო

1. კუტუბიძე მ., ფრინველების ნომენკლატურული ტერმინოლოგია, თბ.: „მეცნიერება“, 1973. — გვ. 100.
2. არწივი (TSN 175406). ინტეგრაციული ტაქსონომიის საინფორმაციო სისტემა.