Thriller (სიმღერა)
From Wikipedia, the free encyclopedia
"Thriller" — ამერიკელი მომღერალ მაიკლ ჯექსონის სიმღერა, დაწერილი როდ ტემპერტონის მიერ და ჩაწერილი კუინსი ჯოუნზის პროდიუსერობით. იგი არის მომღერლის მეექვსე სტუდიური ალბომის Thriller მეშვიდე და უკანასკნელი სინგლი, გამოცემული უმეტეს ქვეყანაში 1983 წლის 12 ნოემბერს და 1984 წლის 23 იანვარს - აშშ-ში, Epic Records-ზე. სიმღერა შეტანილია ჯექსონის მრავალ კომპილაციურ ალბომში, რომელთა შორის არის HIStory (1995), Number Ones (2003), The Essential Michael Jackson (2005), და Michael Jackson's This Is It (2009), ხოლო მისი რემიქსი მოხვდა 2011 წლის ალბომში Immortal. „Thriller“-ს, რომელშიც მსახიობ ვინსენტ პრაისის ხმაც ჟღერს, თავდაპირველად "Starlight" ერქვა.
„Thriller“ | ||||
---|---|---|---|---|
![]() | ||||
სინგლი — მაიკლ ჯექსონი | ||||
ალბომიდან Thriller | ||||
B-მხარე | "Things I Do for You" (საკონცერტო) (გაერთიანებული სამეფო) / "Can't Get Outta the Rain" | |||
გამოსვლის თარიღი | 23 იანვარი, 1984 | |||
ჩაიწერა | 1982 | |||
ჟანრი | დისკო, ფანკი[1] | |||
ხანგრძლივობა |
5:59 (ალბომის ვერსია) 4:04 (7" ვერსია) | |||
ხმისჩამწერი ლეიბლი | Epic | |||
ავტორ(ებ)ი | როდ ტემპერტონი | |||
პროდიუსერი | კუინსი ჯოუნზი | |||
მაიკლ ჯექსონი — სინგლების ქრონოლოგია | ||||
| ||||
ალტერნატიული გარეკანი | ||||
![]() ბრიტანული / იაპონური გამოცემის გარეკანი | ||||
მუსიკალური ვიდეო | ||||
"Thriller" YouTube-ზე |
სიმღერის ინსტრუმენტული მხარე გამოირჩევა სინთეზატორით და ბას-გიტარის პარტიით. მასში ჟღერს სხვადასხვა ხმოვანი ეფექტი - კარი, ჭექა-ქუხილი, ფეხები, ქარი და ძაღლების ყმუილი, ხოლო ტექსტში შეტანილია შიშისმომგვრელი თემები და ელემენტები. "Thriller" კრიტიკოსებმა დადებითად შეაფასეს. იგი იქცა ჯექსონისთვის ალბომიდან მეშვიდე სინგლად, რომელიც Billboard Hot 100-ის ათეულში შევიდა. საფრანგეთსა და ბელგიაში, ისევე, როგორც სხვა ქვეყნებში იგი ჩარტების პირველ პოზიციებზე მოხვდა.
"Thriller" ჯონ ლენდისის მიერ ადაპტირებული იქნა მეტად წარმატებული მუსიკალური ვიდეოს სახით, რომელსაც საკუთარი სახელწოდება, Michael Jackson's Thriller აქვს. ორიგინალურ სიმღერასთან შედარებით იგი 14 წუთის ხანგრძლივობის არის. ვიდეოში მონაწილეობენ თავად ჯექსონი და მსახიობი ოლა რეი. ნამუშევარი 1950-იანი წლების საშინელებათა ფილმების გავლენით არის შექმნილი. მის ყველაზე ცნობილ სცენაში ჯექსონი და სხვა მსახიობები ზომბების სახით ცეკვავენ. მიუხედავად იმისა, რომ ზოგიერთ კრიტიკოსს არ მოეწონა ოკულტური თემა და ძალადობის სცენები, ვიდეო უმალვე პოპულარულად იქცა და სხვა კრიტიკოსების მიერ იქნა აღიარებული. 1984 წელს იგი ნომინირებული იყო MTV-ის მუსიკალური ვიდეოების ჯილდოს ექვს კატეგორიაში და გაიმარჯვა სამში. 2009 წელს კონგრესის ბიბლიოთეკამ იგი პირველად მუსიკალური ვიდეოების ისტორიაში დაამატა ფილმების ეროვნული რეესტრში. მიუხედავად იმისა, რომ სიმღერაც კომერციულად წარმატებული იყო, ვიდეო მისი პოპულარობა დაჩრდილა.
"Thriller"-ის ქავერ-ვერსიები სხვადასხვა დროს ჩაიწერა და შესრულდა ჰენრი მანჩინისა და მისი ორკესტრის, იენ ბრაუნის, Ten Masked Men-ის და იმოგენ ჰიპის მიერ.