![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/22/SOIUSA-sezioni.png/640px-SOIUSA-sezioni.png&w=640&q=50)
SOIUSA
From Wikipedia, the free encyclopedia
SOIUSA (იტალ. Suddivisione Orografica Internazionale Unificata del Sistema Alpino; ალპების სისტემის საერთაშორისო ოროგრაფიული სტანდარტიზებული დაყოფა) — ალპების კლასიფიკაციის სისტემა, რომელიც დაფუძნებულია გეოგრაფიულ და ტოპონიმიკურ შეხედულებაზე. შეიმუშავა იტალიელმა მკვლევარმა და ალპების ოროგრაფიული ატლასის ავტორმა სერჯო მარაციმ.[1]
![Thumb image](http://upload.wikimedia.org/wikipedia/commons/thumb/2/22/SOIUSA-sezioni.png/640px-SOIUSA-sezioni.png)
SOIUSA წარმოადგენს ალპების რელიეფის მარაცისეულ ინტერპრეტაციას და განიხილება როგორც იტალიის ეროვნული გეოგრაფიული კომიტეტის მიერ მიღებული Partizione delle Alpi-ის შემცვლელი.[2] SOIUSA ეფუძნება ევროპის გეოგრაფიული ლიტერატურის ანგარიშებსა და სხვადასხვა ეროვნული კლასიფიკაციის სისტემების სტანდარტებს. SOIUSA საჯაროდ წარადგინეს იტალიის ალპური კლუბის მიერ ორგანიზებულ მილანის კონფერენციაზე 2006 წლის 6 აპრილს.[3] SOIUSA-ს საფუძვლად უდევს გეოლოგიური, ჰიდროგეოლოგიური, გეომორფოლოგიური და ბოტანიკურ-გეოგრაფიული ასპექტი. ამ სისტემის მიხედვით ალპები იყოფა ორ ნაწილად: დასავლეთი ალპები და აღმოსავლეთი ალპები.