From Wikipedia, the free encyclopedia
Apple Lisa — პერსონალური კომპიუტერი, რომელიც 1980-იან წლებში შექმნა კომპანია Apple-მა.
1980-იან წლებში ბევრი მაჩვენებლით MMacintosh-ზე უფრო განვითარებული (და გაცილებით უფრო ძვირი) სისტემა იყო. ამგვარად მასში, მაგალითად, რეალიზებული იყო დაცული მეხსიერება, კოოპერატიული მრავალფუნქციურობა, მთლიანობაში უფრო რთული ფაილების სისტემა, ჩამონტაჟებული სქრინსეივერი, მოწინავე კალკულატორი, 2 მბ-მდე ოპერატიული მეხსიერების მხარდაჭერა, ციფრული დამხმარე კლავიატურა, მონაცემთა დარღვევის საწინააღმდეგო დაცვის სისტემები (მაგალითად, როგორიცაა block sparing), ფაილთა არაფიზიკური სახელები (ერთნაირი სახელწოდების მქონე რამდენიმე დოკუმენტის ქონის შესაძლებლობა) და დისპლეის უფრო მაღალი გაფართოება. მაკინტოშზე ყველაფერი ეს მრავალი წლის შემდეგ რეალიზდა. მაგალითად, მეხსიერების დაცვითი სისტემა მხოლოდ Mac OS X-ში გამოჩნდა (2001 წელს). მიუხედავად ამისა, მაკინტოშს ჰქონდა უფრო სწრაფი პროცესორი Motorola 68K ტაქტური სიხშირით 7,89 მჰც და ჰქონდა ჩამონტაჟებული ხმის ქვესისტემა. Lisa-ს ოპერაციული სისტემა და მისი პროგრამები ძლიერ ტვირთავდნენ Motorola 68K-ის პროცესორს, რომლის ტაქტური სიხშირეც 5 მჰც იყო, რაც განსაკუთრებით იგრძნობოდა დიდი მოცულობის მქონე დოკუმენტების თვალიერებისას.
კომპიუტერს სახელი ეწოდა სტივ ჯობსის ქალიშვილის პატივსაცემად, რომელსაც იგი თავიდან არ აღიარებდა. მოგვიანებით მოიგონეს უაზრო ბეკრონიმი[1] — ინგლ. Local Integrated Software Architecture, „პროგრამული უზრუნველყოფის ლოკალურად ინტეგრირებული სტრუქტურა“.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.