მატარამი
From Wikipedia, the free encyclopedia
მატარამი — შუა საუკუნეების სახელმწიფო ინდონეზიაში, კ. იავაზე. არსებობდა 732-1043 წლებში. წარმოიქმნა ყოფილი კალინგის სახელმწიფოს საუფლისწულო მამულის ადგილზე.
სხვა მნიშვნელობებისთვის იხილეთ მატარამი (მრავალმნიშვნელოვანი). |
მატარამი იყო ადრინდელი ფეოდალური ტიპის სახელმწიფო, რომელსაც აშკარად გამოხატული აღმოსავლეთის დესპოტიის ნიშნები ჰქონდა. მისი გამგებელი ერთდროულად სახელმწიფოს საერო და სასულიერო მეთაური იყო. მართავდნენ ინდუისტური დინასტიები (მხოლოდ VIII-IX საუკუნეებში სახელმწიფოს მართავდა ბუდისტური დინასტია).
XI საუკუნის 40-იან წლებში მატარამის ტერიტორიაზე ჩამოყალიბდა ორი სახელმწიფო - კედირი და ჯანგალა.