![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4b/Cuba_Laguna_de_la_Leche.jpg/640px-Cuba_Laguna_de_la_Leche.jpg&w=640&q=50)
ლაგუნა-დე-ლეჩე
From Wikipedia, the free encyclopedia
ლაგუნა-დე-ლეჩე (ესპ. Laguna de la Leche — რძიანი ლაგუნა; ასევე Laguna Grande de Morón) — ბუნებრივი წარმოშობის უდიდესი ტბა კუბაში. მდებარეობს სიეგო-დე-ავილის პროვინციის ჩრდილოეთ ნაწილში, ქალაქ მორონიდან ჩრდილოეთით 5 კილომეტრში,[1] ზღვის დონიდან 1 მ სიმაღლეზე. ზედაპირის ფართობი 67,2 კმ², მაქსიმალური სიღრმე დაახლოებით 2 მ. ტბის დასავლეთ ნაწილშია კუნძული კაიო-პახარა. ფსკერზე კირქვა ილექება. ზღვის დონის ბუნებრივი მოძრაობა გრუნტის წყლების სარკის რყევის მიზეზია, რის გამოც კირის ნაწილაკები ტბის ფსკერიდან წყალში ხვდება.[2] 1940 წელს აშენდა ჩიკოლის არხი, რომელმაც ლაგუნა-დე-ლეჩე დაუკავშირა ბუენა-ვისტას ყურეს. დროთა განმავლობაში წყალსატევი დაბინძურდა ზღვის წყლით, რის გამოც ტბამ დაკარგა თეთრი შეფერილობა. 1988 წელს არხი ჩაიკეტა და დროთა განმავლობაში ტბის რძის ფერიც აღდგა. გვხვდება ამერიკული ფლამინგო.[3]
ლაგუნა-დე-ლეჩე | |
---|---|
![]() ლაგუნა-დე-ლეჩეს სამხრეთი სანაპირო | |
კოორდინატები: 22°12′33″ ჩ. გ. 78°37′17″ დ. გ. | |
მდებარეობა | ![]() |
სიმაღლე ზღვის დონიდან | 1 მ |
სიგრძე | 14 კმ |
სიგანე | 7,7 კმ |
ფართობი | 67,2 კმ² |