ფილმი From Wikipedia, the free encyclopedia
ზოროს ნიღაბი (ინგლ. The Mask of Zorro) — 1998 წლის ფილმი, რომელიც დაფუძნებულია ჯონსტონ მაკკულის პერსონაჟ ზოროს თავგადასავლებზე. ფილმი გადაიღო მარტინ კემპბელმა. მასში მთავარ როლებს ასრულებენ: ენტონი ჰოპკინზი, ანტონიო ბანდერასი, კათრინ ზიტა-ჯონზი და სხვა. აშშ-ში ფილმი გამოუშვეს 1998 წლის 17 ივლისს, რასაც მოჰყვა როგორც ფინანსური, ასევე კრიტიკული წარმატება. ფილმის გაგრძელება — „ლეგენდა ზოროზე“, 2005 წელს გამოვიდა. მისი რეჟისორი კვლავ კემპბელია.
„ზოროს ნიღაბი The Mask of Zorro“ | |
---|---|
![]() | |
ჟანრი | მძაფრ-სიუჟეტიანი, სათავგადასავლო, კომედია, რომანტიკული, ვესტერნი |
რეჟისორი | მარტინ კემპბელი |
პროდიუსერი |
დაგ კლეიბორნი დევიდ ფოსტერი |
სცენარის ავტორი | ტედ ელიოტი, ტერი როსიო, ჯონ ესკოუ |
როლებში | ენტონი ჰოპკინზი, ანტონიო ბანდერასი, კათრინ ზიტა-ჯონზი |
კომპოზიტორი | ჯეიმზ ჰორნერი |
მონტაჟი | ტომ ნობლი |
სტუდია |
TriStar Pictures Amblin Entertainment Zorro Productions, Inc. David Foster Productions |
დისტრიბუტორი | Sony Pictures Entertainment |
გამოსვლის თარიღი | 17 ივლისი, 1998 |
ხანგრძლივობა | 136 წთ |
ქვეყანა | აშშ |
ენა | ინგლისური |
ბიუჯეტი | $96 მილიონი |
შემოსავალი | $250,288,523 |
შემდეგი | „ლეგენდა ზოროზე“ |
დონ დიეგო დე ლა ვეგა წარჩინებული ბატონი, რომელიც ამავე დროს არის სახალხო გმირი სახელად ზორო. იგი ებრძვის დონ რაფაელ მონტეროს, რომლის მმართველობის დროს მექსიკელი ხალხი მძიმე ყოფაშია. მონტერო მოკლავს დონ დიეგოს მეუღლე ესპერანსას, ხოლო ქალიშვილ ელენას წაიყვანს და თავად აღზრდის. ოცი წლის შემდეგ, როდესაც დიეგო დე ლა ვეგა ციხიდან გაიქცევა ცდილობს რომ ქალიშვილი დაიბრუნოს. ამ დროს ფილმში ჩნდება ორი ახალგაზრდა ძმა — ალეხანდრო და ხუაკინ მურიეტები, რომლებიც არიან მძარცველები და ქურდები. მათზე ნადირობს კაპიტანი ლავი. ის კლავს ხუაკინს, რის შემდეგაც ალეხანდრო მისდამი შურისძიების სურვილით ივსება. ალეხანდრო გაიცნობს დონ დიეგო დე ლა ვეგას, რომელიც მას წვრთნის ახალ ზოროდ. საბოლოოდ ალეხანდრო ამარცხებს კაპიტან ლავს, ხოლო დიეგო დე ლა ვეგა კი კლავს დონ რაფაელს, თუმცა მასთან ბრძოლაში მიღებული ჭრილობით იღუპება. ალეხანდრო და ელენა ქორწინდებიან და ეყოლებათ ვაჟი ხუაკინი. ალხანდრო კი მიიღებს დონ დე ლა ვეგას გვარს და აგრძელებს ზოროს მოვალეობის შესრულებას.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.