From Wikipedia, the free encyclopedia
Metacritic — ინგლისურენოვანი საიტი, რომელიც აგროვებს მუსიკალური ალბომების, თამაშების, ფილმების, ტელეგადაცემების, DVD-ების და, წინათ, წიგნების მიმოხილვებს. თითოეული პროდუქტისთვის გამოითვლება საშუალო რიცხობრივი ნიშანი ყველა გამოქვეყნებული მიმოხილვიდან. ის დააარსეს ჯეისონ დიეტზმა, მარკ დოილმა და ჯული დოილ რობერტსმა. ყოველი მიმოხილვის ნაწყვეტი მიწოდებულია წყაროს ბმულთან ერთად. სამი ფერის კოდი — მწვანე, ყვითელი და წითელი — ერთგვარად აჯამებს კრიტიკოსის რეკომენდაციას, გვიქმნის წარმოდგენას პროდუქტის საერთო მიმზიდველობის შესახებ რეცენზენტებს და, უფრო ნაკლებად, საზოგადოებას შორის.
Metacritic | |
---|---|
![]() | |
საიტი | Metacritic.com |
კომერციულობა | კი |
საიტის ტიპი | მიმოხილვების აგრეგატორი |
რეგისტრაცია | უფასო / გამოწერა |
მფლობელი | CBS Interactive (CBS Corporation) |
გაეშვა | 1999 წლის იანვარი |
Alexa-ს რეიტინგი |
![]() |
ამჟამინდელი სტატუსი | აქტიური |
Metacritic-ის შეფასების მეთოდის მიხედვით საშუალო რეიტინგის გამოთვლამდე ყოველი მიმოხილვა გადაიყვანება პროცენტულ დამოკიდებულებაში, რომელსაც საიტი, წყარო ირჩევს თვითონ. მიმოხილვის „წონა“ საშუალოს გამოთვლისას ხშირად დამოკიდებულია კრიტიკოსის რეპუტაციაზე, მნიშვნელობაზე და სხვა სუბიექტურ ფაქტორებზე.[2] მიუხედავად იმისა, რომ Metacritic უარს ამბობს კრიტიკოსების გავლენის გამოაშკარავებაზე, მისი გამოანგარიშება ადვილია წრფივი ალგებრის საშუალებით.
მრავალი მიმოხილვების საიტი ანიჭებს მიმოხილვას ნიშანს ხუთიდან, ათიდან, ასიდან ან კიდევ ანბანურ ნიშანს. Metacritic გარდაქმნის ასეთ ნიშნებს პროცენტულ დამოკიდებულებაში. მიმოხილვებს, რომლებსაც არ გააჩნიათ ზუსტი, არაორაზროვანი ნიშანი (მაგალითად, ნიუ-იორკ ტაიმზის მიმოხილვები), Metacritic ხელოვნურად აფასებს და ანიჭებს რელევანტურ რეიტინგს.