![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/93/Boles%25C5%2582aw_Prus_%2528ca._1905%2529.jpg/640px-Boles%25C5%2582aw_Prus_%2528ca._1905%2529.jpg&w=640&q=50)
ბოლესლავ პრუსი
From Wikipedia, the free encyclopedia
ბოლესლავ პრუსი (პოლ. Bolesław Prus; დ. 20 აგვისტო, 1847 - გ. 19 მაისი, 1912) ნამდვილი სახელი ალექსანდრ გლოვაცკი — პოლონური ლიტერატურის მოწინავე ფიგურა და მსოფლიო ლიტერატურის დამახასიათებელი ხმა.
ბოლესლავ პრუსი | |
---|---|
პოლ. Aleksander Głowacki | |
![]() | |
დაბადების თარიღი | 20 აგვისტო, 1847(1847-08-20)[1] [2] [3] [4] [5] [6] |
დაბადების ადგილი | ჰრუბეშოვი |
გარდაცვალების თარიღი | 19 მაისი, 1912(1912-05-19)[1] [2] [3] [4] [5] [7] [6] (64 წლის) |
გარდაცვალების ადგილი | ვარშავა[8] |
დასაფლავებულია | პოვონზკის სასაფლაო |
ფსევდონიმი | Bolesław Prus |
საქმიანობა | ჟურნალისტი, ფილოსოფოსი, მწერალი[9] , ლიტერატურული კრიტიკოსი და პროზაიკოსი |
ენა | პოლონური ენა |
მოქალაქეობა |
პოლონეთი რუსეთის იმპერია |
ალმა-მატერი | ვარშავის უნივერსიტეტი |
ჟანრი | რომანი და მოთხრობა |
Magnum opus | The Doll |
ჯილდოები | Cross of Independence with Swords |
გავლენა მოახდინეს | |
ხელმოწერა |
![]() |
15 წლის ასაკში 1863 წლის პოლონურ აჯანყებას შეუერთდა, რომელიც რუსეთის იმპერიის წინააღმდეგ იყო მიმართული. 16 წლის შესრულებიდან ცოტა ხანში მძიმე დაზიანებები მიიღო ბრძოლისას, ხუთი თვის შემდეგ კი დააპატიმრეს აჯანყებაში მონაწილეობის მიღებისათვის. სწორედ ამ ადრეულ გამოცდილებებს შეიძლება გამოეწვია მასში აგორაფობია, რაც მთელი ცხოვრების მანძილზე სდევდა მწერალს. ადრეული გამოცდილებების დამსახურებაა ისიც, რომ პრუსმა უარი თქვა პოლონეთის დამოუკიდებლობის ძალით დაბრუნებაზე.
1872 წელს, 25 წლის ასაკში გლოვაცკი ვარშავაში დასახლდა სადაც დაიწყო მისი 40 წლიანი ჟურნალისტის კარიერია, რომელიც მთლიანად პოლონელ ხალხში მეცნიერების, ტექნოლოგიის, განათლების, ეკონომიკისა და კულტურის განვითარებას მოახმარა. სწორედ ამით ცდილობდა პოლონეთის რუსული, პრუსიული და ავსტრიული გავლენისგან დახსნას. გლოვაცკიმ მისი ფსევდონიმი, პრუსი მისი ოჯახის პოლონური ტიტულიდან მიიღო.
თავიდან პრუსი მოკლე მოთხრობებს წერდა. ამ საქმეში ნახული წარმატების შემდეგ პრუსი უფრო დიდ სამუშაოს შეეჭიდა. 1884 წლიდან 1895 წლამდე მან მისი ოთხი მთავარი ნოველა დაწერა: საგუშაგო, თოჯინა, ახალი ქალი და ფარაონი. თოჯინა ასახავს კაცის რომანტიკულ, ბრმა სიყვარულს, რომელიც იმედგაცრუებულია მისი ქვეყნის ასეთი ჩამორჩენით. ფარაონი, პრუსის ერთადერთი ისტორიული ნოველაა. ის პოლიტიკური ძალისა და ერთა ბედისწერის ნარკვევია, რომელიც ასახავს ძველი ეგვიპტის მეოცე დინასტიის დასარულსა და ახალი სამეფოს დასაწყისს.