From Wikipedia, the free encyclopedia
Saos tomat ya iku saos kang digawé saka woh tomat kang wis dimasak lan ditambahi gula, uyah, cuka, lan bumbu kang wujud bumbon crakèn.[1] Bumbon crakèn iki kaya ta cengkéh lan kayu legi.[1] Kajaba iku saos tomat uga ditambahi sayuran kaya ta bawang bombay, selédri lan sayuran liyané.[1] Saos Tomat Indofod lan saos tomat ABC kalebu merek-merek saos kang misuwur ing Indonésia.[1] H. J. Heinz Company, Hunt's, Del Monte Foods, lan Brooks Ketchup kalebu jeneng distributor saos tomat kang gedhé dhéwé ing Amérika Sarékat.[2] Saos tomat lumrahé kanggo mangan kenthang goréng, sandwich, pitik goréng lan daging kang dipanggang utawa digoreng.[2] Campuran saos tomat lan mayones dadi bahan kanggo nggawé saos selada kang diarani Thousand Island.[2]
Saos tomat ing basa Inggris diarani Ketchup.[2] Asal-usulé ya iku saos tomat wis dikenal wiwit biyén ing Asia lan diarani koe-chiap utawa ke-tsiap ing dhialèk Amoy ing Tiongkok utawakechap (ketjap) ing basa Melayu.[2] Pelaut Inggris lan Walanda ngenalaké saus éncér kang bahan dhasaré digawé saka iwak.[2] Iwak iki asalé saka Asia.[2] Saus iki banjur diarani "catchup" ("ketchup").[2] Nanging saos iki ditambahi bahan-bahan liyané kang pas karo masakan Éropa.[2] Nambahaké tomat ing kecap dadi inovasi wong Inggris. Nanging ana uga kang duwé panemu yèn saos tomat iku tinemu utawa digawé wong Amérika.[2]
Resep saos tomat kang sepisanan dicithak ing buku masak di Amérika kang judhulé Sugar House Book ing taun 1801.[2] Saos tomat kang digawé rasané asin wit ngandhut uyah kang cacahé 1 pound (453,59 gram) kanggo ngolah 100 woh tomat dadi saos tomat.[2] Ing taun 1824, resep saos kecap ana ing buku resep The Virginia Housewife kang digawé ahli masak kang misuwur ing abad kaping 19 kang jenengé Mary Randolph. Dhèwèké duluré Thomas Jefferson.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
