Piring
From Wikipedia, the free encyclopedia
From Wikipedia, the free encyclopedia
Piring ya iku piranti kang digawé saka beling utawa porselén kang gunané kanggo mangan, ndéléhaké lawuh, sayur.[1] Piring uga ana kang digawé saka kayu, sèng utawa wesi lan plastik.[1] Saliyané kanggo mangan, piring uga kena kanggo nari.[1] Jogèd kang nggunakaké piring diarani jogèd piring.[1] Piring dhapuré bunder pipih lan ana cekungan ing tengahé.[1] Piring uga ana kang dhapuré cépér.[1] Piring kang dhapuré cépér lumrahé kanggo wadhah sayur kang ora ana duduhé.[1] Piring nduwéni warna lan wujud kang béda-béda.[1] Yèn jaman biyèn piring wernané mung putih polos, nanging saiki piring wis ana wernané malah nganggo motif kembang-kembang, garis-garis, lan gambar-gambar kaya ta kapal, woh-wohan, sayuran, gambar daging lan roti.[1] Piring kang digawé saka kramik utawa porselén iku kalebu piring kang gampang pecah.[1] Mulané piring kang digawé saka porselén utawa kramik ora kena dibanting.[1]
Piring uga ana kang kanggo rerenggan.[2] Piring kang kanggo rerenggan iki ora dianggo mangan nanging mung dipajang dadi aksesoris méja utawa dicénthélaké ing témbok.[2] Piring hias iki lumrahé kanggo rerenggan ing omah-omah.[2] Piring hias lumrahé digawé saka porselén.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.