klompok bal-balan saka kutha Liverpool, Inggris From Wikipedia, the free encyclopedia
Liverpool Football Club iku sawijining klub bal-balan Inggris kang wis kaping 6 njuwarani Liga Champions (biyèn Piala Champions) lan kaping 18 njuwarani Liga Inggris (nganti wiwitan Mèi 2019). Kandhangé ana ing Anfield, kang dumunung watara 4,8 km saka punjer kutha Liverpool.
 | |||
| Jeneng jangkep | Liverpool Football Club | ||
| Peparab | The Reds | ||
| Diadegaké | 1892 | ||
| Lapangan | Anfield, Liverpool | ||
| Kapasitas | 53.394 | ||
| Ketua | John W Henry | ||
| Manajer | Juergen Klopp | ||
| Liga | Liga Utama Inggris | ||
| 2022/23 | Liga Utama Inggris (5.) | ||
| |||
Klub iki diadegaké ing 15 Maret 1892 déning John Houlding, kang duwé Anfield. Houlding mutusaké nggawé tim dhéwé sawisé Everton FC diwetokaké saka Anfield sajeroning pasulayan ngenani béya séwa. Wiwitané klub anyar iku jenengé Everton FC nanging diganti dadi Liverpool FC sawisé Asosiasi Sepak Bola Inggris utawa FA nulak migunakaké jeneng mau.
Liverpool dadi dominan ing taun 1970-an lan 1980-an. Pemain-juru main kang misuwur ing mangsa iku kalebu Ray Clemence, Mark Lawrenson, Graeme Souness, Ian Callaghan, Phil Neal, Kevin Keegan, Alan Hansen, Kenny Dalglish (102 main) lan Ian Rush (346 gol).
Klub iki uga kalibet sajeroning rong tragedi gedhé ing sajarah bal-balan Éropah - ya iku sajeroning tragedi Heysel ing taun 1985 lan musibah Hillsborough ing taun 1989.
Liverpool kasil ngéntukaké minor treble, loro gelar domestik (Piala Liga lan Piala FA) lan Piala UEFA ing mangsa 2000/01. Sanadyan mangkono, ngéntukaké "minor treble" dudu bab kang anyar kanggoné Liverpool. Ing taun 1984 Liverpool dadi juwara Piala Champions, Piala Liga lan Liga Inggris. Sanadyan déning para pendhukungé dianggep wis gayuhh treble, nanging ora diitung minangka raihan treble.
Liverpool nggayuh era paling apik wektu isih dibawahi Bill Shankly. Pelatih iki sabanjuré dadi legenda Liverpool. Dhèwèké dikurmati amarga kasil nggawa Liverpool bali menyang divisi siji sawisé sadurungé ing divisi kaloro sajeroning 8 mangsa. Kanggo ngurmati lelabuhané, digawé reca Bill Shankly ing gaoura Anfield.
Cathetan: Gendéra nuduhaké tim nasional pemain miturut peraturan FIFA. Pemain bisa waé duwé luwih saka siji kewarganegaraan.
|
|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
