From Wikipedia, the free encyclopedia
Pulo Jan Mayen minangka péranganing Nurwègen kang dumunung antarané Lemah Ijo lan Nurwègen Dharatan. Kanthi jembar wewengkon udakara 373 km², sapérangan tlatah pulo vulkanik iki wujud pagunungan kang dislimuti déning gletser. Titik paling djuwur ana ing Gunung Beerenberg (2.277 m). Tlatah genting misahaké pulo iki dadi rong pérangan.
Pulo Jan Mayen ora ndarbèni sumber daya alam kang bisa dieksploitasi. Kagiatan ékonomi mung wates layanan kanggo para pekerja stasiun meteorologi lan radhio Nurwègen ing pulo iku. Kanthi garis pantè dawané 124,1 km, pulo iki mung ndarbèni pelabuhan lepas pantè (offshore anchorages).
Wiwit taun 1995, Jan Mayen dibawahi gubernur kabupatèn (fylkesmann) Nordland; nanging saetara pejabat wis diutus dadi komandan stasiun Layanan Komunikasi Pertahanan Nurwègen.
Henry Hudson nemu pulo iki taun 1607 lan njenengaké Tutches Hudson utawa Touches. Sawisé iku, sawatara ahli pelayaran uga ngeklaim wis nemu lan ngowahi jeneng pulo iku. Taun 1611, sawatara warigaluh penangkap ikan paus saka Hull njenengaké Pulo Trinitas; taun 1612 warga Perancis Jean Vrolicq njenengaké Ile de Richelieu; lan taun 1614 Joris Carolus mènèhi jeneng salah siji tanjung Jan Meys Hoeck, kang dijupuk saka jeneng kapten kapalé. Jeneng "Jan Mayen" dhéwé dijupuk saka jeneng kang diwènèhké déning Carolus. Déné panemon taun 1611 kang didhaku déning Jan Mayen saka Walanda ora ndarbèni bukti kang kuwat.
Pulau Jan Mayen dipanggoni déning personel kang ngoperasèkaké pangkalan Navigasi Jarak Jauh (Loran-C) kanthi 14 staf lan stasiun layanan cuaca kanthi 4 staf. Ora ana warga pribumi ing pulo iku.
Artikel iki minangka artikel rintisan. Kowé bisa ngéwangi Wikipédia ngembangaké. |