Pasisir Senggigi
désa ing Indonésia From Wikipedia, the free encyclopedia
désa ing Indonésia From Wikipedia, the free encyclopedia
Pasisir Senggigi inggih punika papan pariwisata ingkang kawéntar wonten ing Lombok, Lombok Barat, Nusa Tenggara Barat. Pasisir punika gadhah garis pasisir ingkang dawa satemah katon éndah kanggé sesawangan saha dados salah satunggaling wisata sagara ing Pulau Lombok. Pasisir Senggigi punika madep langsung dhateng laut Selat Lombok.Saking pasisir ingkang landai punika dados papan ingkang ngremenaken kanggé renang saha nonton kaéndahan Gunung Agung, Bali [1].
Pasisir Senggigi punika boten seageng Pasisir Kuta, Bali, nanging manawi wonten ing mriki kados wonten ing Pasisir Kuta, Bali. Pesisir pasisirnipun taksih asri. Kajawi punika sesawangan wonten ing sangandhaping sagara ugi éndah sanget. Para wisatawan kathah ingkang nyobi snorkling amargi ombakipun boten ageng sanget. Terumbu karang njorok manengah ndamel ombakipun pecah wonten tengah. Wonten ugi hotèl-hotèl mawi regi ingkang manéka warni, saking hotèl mawi regi ekonomis dumugi ingkang awis sanget [2].
Kirang langkung setengah jam mawi mlampah, para wisatawan saged dumugi Batu Bolong ing pasisir punika. Batu Bolong inggih punika satunggaling pura ingkang kabangun wonten ing sanginggiling karang ingkang mapan ing pinggiring pasisir. Miturut legénda ingkang wonten ing masarakat ing mriku kalang rumiyin asring dipunadani pengorbanan satungggaling prawan supados dipangan iwak hiu ing papan punika. legénda sanès nyariosaken bilih rumiyin kathah laré èstri ingkang terjun piyambak saking papan punika dhateng sagara amargi lara ati. Saking papan punika ugi katingal Gunung Agung ing Pulo Bali [2].
Boten tebih saking batu Bolong punika wonten makamipun ulama. Punika kalebet papan ingkang suci kanggé para penganut Wetu Telu. Batu Layar punika ramé nalika Lebaran topat inggih punika lebaran kanggé tiyang ingkang sampun siam 1 minggu sasampunipun lebaran Idul Fitri.
Wonten ing sakiwa tengenipun Pasisir Senggigi punika kathah papan kanggé nyipeng ingkang manéka warni miturut kersanipun piyambak. Wiwit saking hotèl berbintang, resor, hotèl melati dumugi pondokan.
Ing pinggiring Pasisir Senggigi punika kathah restoran-restoran utawi griya dhahar ingkang nyemeptakaken manéka warni masakan khas Lombok lan jinis dhaharan sanèsipun. Ingkang khas inggih punika Ayam taliwang lan Plecing kangkung.
Manawi para wisatawan badhé mirsani sesawangan Pasisir Senggigi saged nitih cidomo, angkudan khas saking Nusa Tenggara Barat kanthi tarikan jaran.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
