Novèl
From Wikipedia, the free encyclopedia
From Wikipedia, the free encyclopedia
Novèl yaiku salah sawijiné karya fiksi prosa kang ditulis.[1] Novèl sifaté naratif utawa wujudé wujud carita.[1] Wong kang nulis novèl diarani novelis.[1] Tembung novèl asalé saka basa Italia novella kang tegesé "sebuah kisah, sepotong berita".[1]
Novèl luwih dawa lan luwih jangkep manawi dibandingaké karo cerkak utawa cerita cekak. Novèl saora-orané kasusun déning 40.000 tembung.[1] Novèl uga ora diwatesi karo struktural lan metrikal sandiwara utawa sajak.[1] Lumrahé novèl nyritakaké ngenani lakon-lakon lan watake lakon ing njero carita.[1] Novèl nitikaké caritané ing pérangan-pérangan kang anéh saka naratif utawa carita iku.[1]
Novèl ing basa Indonèsia uga dibédakaké karo roman.[1] Roman alur caritané luwih kompleks lan cacahé tokoh kang dadi paraga ing carita roman uga luwih akèh tinimbang novèl.[1] Novèl lumrahé ditulis lan dicithak dadi wujud buku.[1]
Novèl asalé saka basa Italia yaiku saka tembung novella, basa Jerman saka tembung Novelle, lan basa Yunani yaiku novellus.[1]
Novèl sujarah yaiku genre kang wigati kang akèh ditulis ing nagara-nagara Barat, kang duwé katresnan tumrap sajarah.[2] Kanthi novèl iki nagara-nagara iku nanduraké katresnan tumrap sajarah lan nuduhaké wigatiné sajarah tumrap pandhidhikan.[2] Novèl sajarah mbiyantu ngakrabaké masarakat jaman saiki karo masarakat jaman mbiyèn kang ngenggoni bangsané.[2] Kang dadi pelopor nulis novèl sajarah yaiku Walter Scott.[2] Dhèwèké salah sijiné pengarang Inggris saka abad kaping 19.[2] Nagara Inggris ndeleng sajarah minangka unsur kang wigati kanggo yasa bangsané.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
