From Wikipedia, the free encyclopedia
Sir Walter Scott ya iku sastrawan, penyair, sejarawan, juru tulis biografi saka Sekotlan.[1][2] Lair ana Edinburgh, Sekotlan, tanggal 15 Agustus 1771.[1] Séda ana Abbotsford, Roxburgh, Sekotlan, tanggal 21 September 1832.[1]
Bapaké ya iku pengacara.[1] Ibuné anak dhokter.[1]
Cilikané, dhèwèké urip ana Edinburgh, kerep-kerep dolan menyang perternakané simbahé, Robert Scott, ana Tweeddale ing Perbatasan.[2] Saka kana, dhèwèké ngerti sajarah kulawargané, lan budaya umum Perbatasan.[2] Kawit cilik, dhèwèké ngrungokaké cerita saka wates Sekotlan, banjur sregep macani geguritan, lakon, dongèng, lan roman.[1] Dhèwèké pinter ngeling-eling lan ngutip geguritan, kang marakaké gumuné para pelancong ana tlatah kana.[1] Èksplorasiné ngenani désa tangga ngrembakakaké tresnane marang kaéndahan alam lan aprésiasi perjuangan sajarah para leluhur Sekotlan.[1] Dhèwèké lumebu Edinburgh High School, banjur Edinburgh University njipuk gelar sarjana hukum.[2]
Dhèwèké wiwitan nulis umur 25 taun, sepisanan nerjemahaké karya saka basa Jerman, banjur ngalih ana karya geguritan.[2]
Taun 1797, dhèwèké mbojo karo Charlotte Carpenter, duwé anak papat.[2] Limang taun sawisé, dhèwèké nerbitaké kumpulan balada Sekotlan, The Minstrelsy of the Scottish Borders, telung volumé.[2] Iku dadi pituduh purwané ngugemi Sekotlan lan sajarah saka sudut pandhang sastra.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
