Milano (Milano sajeroning basa Italia, lan Milán sajeroning dhialek Milan, saka basa Latin, Mediolanum kang tegesé 'ing tengah hamparan') iku sawijining kutha utama ing sisih lor Italia, lan dumunung ing hamparan Lombardia, wewengkon paling maju ing Italia. Milan nduwé watara 1,3 yuta sing ndunungi (2004); yèn digunggung karo wewengkon saubengé angka iki maundhak dadi ngluwihi 4,5 yuta lan kabèh Laladan Metropolitan Milan gunggungé watara 9,5 yuta sing ndunungi (2004). Milan iku kutha krajan wewengkon Lombardia lan punjer ékonomi lan kauangan Italia. Wis maabad-abad suwéné kutha iki diarani Mailand, kang isih minangka jeneng Milan sajeroning basa Jerman.
Provinsi Milan dumunung ing pérangan kulon Lombardia; nyakup wewengkon sing ambané 1.982km² lan nduwé populasi cacahé 3.702.210 (sensus 2001). Provinsi iki duwé 188 distrik, kanthi populasi kang warna-warna saka Milan (1.256.211) nganti Nosate (638).
Walikutha Milan wektu iki ya iku Gabriele Albertini.
Kutha Milan misuwur déning sawiji perusahaan adibusana lan toko-tokoné (via Montenapoleone) lan Galleria Vittorio Emanuele ing Piazza Duomo, kang minangka salah siji punjer blanja tuwa dhéwé ing donya. Milan iku salah siji kutha krajan adibusana ing donya, kaya déné New York utawa Paris.
Produk misuwur liyané ya iku kuwé Natal kang legi, jenengé Panettone.