![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2a/Flag_of_Minang.svg/langjv-640px-Flag_of_Minang.svg.png&w=640&q=50)
Karajan Pagaruyung
From Wikipedia, the free encyclopedia
Karajan Pagaruyung inggih punika satunggalipun Karajan Melayu ingkang naté jumeneng ing provinsi Sumatera Kilèn lan laladan ing sakiwatengenipun.[1] Nami karajan punika dipunrujuk saking Tambo ingkang wonten ing masarakat Minangkabau, inggih punika satunggalipun nagari ingkang namanipun Pagaruyung.[1] Ing salajengipun, nama karajan punika ugi saged dipunrujuk saking inskripsi cap mohor Sultan Tangkal Alam Bagagar saking nagari Pagaruyung,[1] inngih punika wonten ing seratan kanthi aksara Jawi wonten ing bundheran ingkang ungelipun: Sultan Tangkal Alam Bagagar ibnu Sultan Khalīfatullāh ingkang gadhah takhta nagari Pagaruyung Dārul Qadār Johan dhaulatipun Zillullāh fīl 'Ālam.[1] Karajan punika pungkasanipun runtuh ing wekdal Perang Padri.[1] Amargi wonten prajanjen antawisipun kaum adat kaliyan Walanda ndadosaken Karajan Pagaruyung wonten ing panguwaosipun Walanda.[1]
Pagaruyung Dārul Qadār | ||||||||||
Pagaruyuang Malayapura | ||||||||||
| ||||||||||
![]() | ||||||||||
Kutha krajan | Pagaruyung | |||||||||
Basa | Minang, Melayu, | |||||||||
Agama | Saking Buda gantos dados Islam | |||||||||
Pamaréntahan | Monarki | |||||||||
Sajarah | ||||||||||
• | Established | 1347 | ||||||||
• | Perang Padri | 1833 | ||||||||
| ||||||||||
Warning: Value specified for "continent" does not comply |
Ing wekdal saderengipun dipunjajah Walanda, karajan punika mlebet karajan Malayapura, satunggalipun karajan ingkang wonten ing Prasasti Amoghapasa dipunsebataken dipunpimpin déning Adityawarman, ingkang dipunanggep minangka panguwaosipun Bhumi Melayu ing Suwarnabhumi.[2] Kalebet ing wewengkon karajan Malayapura inggih punika karajan Dharmasraya, sarta karajan utawi laladan ingkang sampun dipuntelukaken déning Adityawarman.[2]