From Wikipedia, the free encyclopedia
D.I. Pandjaitan ya iku pahlawan revolusi Indonésia.[1] Lair ing Balige, Tapanuli, tanggal 9 Juni 1925. Séda ing Jakarta 1 Oktober 1965, lan disaréaké ing Taman Makam Pahlawan Kalibata, Jakarta.[2]
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Asma lengkapé ya iku Donald Ignatius Panjaitan' nanging kondhang kanthi asma D.I. Pandjaitan.[2] D.I. Pandjaitan wiwit militèré ing pendhidhikan sukarela Gyugun, banjur ditugasaké ing Pekanbaru, Riau. Sawisé proklamasi Kamardikan, D.I. Pandjaitan lan kanca-kancané mbentuk TKR ing laladan Sumatera kang sabanjuré diganti dadi TNI (Tentara Nasional Indonésia). Ing jaman iku D.I. Pandjaitan ditunjuk dadi Komandan Batalyon.[2]
Taun 1948, D.I. Pandjaitan diangkat dadi Komandan Pendhidhikan Divisi IX/Banteng ing Bukit Tinggi. Sawisé iku diangkat dadi Kepala Staff Umum IV Komandemen Tentara Sumatera kang tugasé nangani masalah suplai lan perbekalan. Jabatan pungkasané ya iku Asistèn IV Men/Pangad.[2]
Parté Kuminis Indonésia(PKI) ora seneng marang Jenderal kang tangat ngibadah, amarga D.I. Pandjaitan bisa mbongkar rencana èlèk PKI kanggo nyiapake angkatan Perang V saka para buruh lan tani, kanthi ngirim senjata-senjata kang disamaraké ing jero peti-peti bahan yasan. Awit mangsa iku D.I. Pandjaitan uga dadi sasaran targèt PKI kanggo dipateni amarga wis ngalang-ngalangi rencana PKI iku.[2]
Tanggal 1 Oktober 1965, sagrombol anggota Gerakan 30 September lunga saka Lubang Buaya pinuju pinggiran kutha Jakarta.[1] PKI meksa lumebu pager omah D.I. Pandjaitan ing dalan Hasanudin, Kebayoran Baru, Jakarta Selatan, banjur némbak lan matèni salah sawijining réwang kang lagi turu ing lantai ngisor omah lan mbengok supaya Pandjaitan mudun. Loro pemudha ya iku Albert Naiborhu lan Viktor Naiborhu kelara-lara nalika nganaaké perlawanan nalika D.I. Pandjaitan diculik, ora suwé banjur Albert séda. Pandjaitan akhiré medun sawisé penyerang mau ngancem keluargané. D.I. Pandjaitan njajal lumayu nanging malah ditémbak mati.[1] Jenazahé dileboaké ing jero truk lan digawa bali marang markas obahan PKI ing Lubang Buaya.[1] Sabanjuré, awaké lan wong-wong kanca-kancané dipatènilan didelikaké ing sawijining sumur tuwa. Jenazahé ditemuaké ing tanggal 4 Oktober, lan kabèh pahlawan revolusi mau dianaaké upacara pemakaman kanagaran ing dina ésuké.[1] Nalika ditemoaké jenazahé ing lubang buaya karo pahlawan revolusi liyané, Jenazah Brigjen Anumerta D.I. Pandjaitan banjur disaréaké ing TMP Kalibata, Jakarta.[2] Pamarintah ngaturi gelar Pahlawan Revolusi dhedhasar SK Présidhèn RI Nomer 111/KOTI/1965.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.