kéwan awujud cilik dawa lan ora duwé sikil From Wikipedia, the free encyclopedia
Bab panganggoné liyané, wacanen Cacing (disambiguation).
Cacing ya iku kéwan cilik, kang ora nduwé sikil, awaké bunder, trepes dawa lan ora ana tangané.[1] Cacing ana kang urip ing banyu, lemah, wetengé manungsa lan kéwan.[1] Cacing ana uga kang bisa dipangan, contoné cacing wowo lan palolo.[1]
cacing
Cacing bolah ya iku cacing kang njalari lelarafilariasis lan nggawé abuh sikil.[1]
Cacing gelang ya iku cacing kang urip ing usus alus manungsa.[1]
Ascaris lumbricoides utawa cacing gedhé.[1] Cacing iki awaké ana keret-keretané lan urip ing lemah kang bècèk lan akèh banyuné.[1]
Cacing raya ya iku cacing kang urip ing wetengé manungsa utawa kéwan.[1]
Cacing lemah ya iku cacing kang urip ing lemah kang lembab lan bisa nggawé subur lemah.[2] Cacing iki nduwé gelang-gelang kang rupané putih ing gulune.[1]
Cacing pita ya iku cacing kang duwé glembung mèmper kista kang gedhé.[1] Glembung mau isiné cuwèran.[1] Cacing iki bisa tinemu ing daging sapi utawa dagingbabi.[1]
Cacing gilik ya iku cacing kang awaké dawa, wanguné silindris.[1] Cacing gilik ora duwé ros-rosan lan sègmèn. Cacing gilik urip ing ginjel lan saluran uyuh kéwan vertebrata.[1]
Cacing ati ya iku cacing kang ana ing ati lan saluran empedhu kéwan ingon.[1] Cacing ati ukurané cilik lan duwé sègmèn kang cacahé papat.[1] Cacing iki urip ing kirik, kucing lan kéwan karnivora liyané.[1]
Cacing jantung utawa nematoda ya iku cacing kang urip ing jantung.[1] Cacing jantung wadon dawané 30cm.[1]
Cacing kremi ya iku cacing kang ukurané cilik kang urip dadi parasit ing weteng.[1] Cacing iki akèh urip ing weteng bocah cilik lan kerep metu bareng karo veses nalika lagi bebuwang.[1]
Cacing palolo ya iku cacing poliket kang urip ing pasisir Lautan Teduh pérangan kidul.[1]
Eunice aphroditois utawa cacing weteng ya iku cacing kang awaké trèpès lan duwé gronggongan ing awaké.[1]
Cacing rambut jaran ya iku cacing kang dawa lan kuru, larvané duwé sipat parasit.[1]