![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c4/%25C3%259E%25C3%25B3rarinn_Kr_Eldj%25C3%25A1rn.jpg/640px-%25C3%259E%25C3%25B3rarinn_Kr_Eldj%25C3%25A1rn.jpg&w=640&q=50)
Þórarinn Kr. Eldjárn
From Wikipedia, the free encyclopedia
Þórarinn Kristjánsson Eldjárn (f. 26. maí 1886, d. 4. ágúst 1968) bóndi og hreppstjóri á Tjörn í Svarfaðardal. Hann var sonur séra Kristjáns Eldjárns Þórarinssonar prests á Tjörn og Petrínu Soffíu Hjörleifsdóttur. Þórarinn ólst upp á Tjörn en varð gagnfræðingur frá Akureyri 1905 og nam síðan við lýðháskólann á Voss í Noregi veturinn 1907-1908. Hann sótti kennaranámskeið við Kennaraskóla Íslands 1909. Var síðan kennari og skólastjóri í Svarfaðardal 1909-1955. Hann tók við búi af föður sínum á Tjörn 1913 og bjó þar til 1959, síðustu árin í sambýli við Hjört son sinn, sem síðan tók við allri jörðinni.
![Thumb image](http://upload.wikimedia.org/wikipedia/commons/thumb/c/c4/%C3%9E%C3%B3rarinn_Kr_Eldj%C3%A1rn.jpg/640px-%C3%9E%C3%B3rarinn_Kr_Eldj%C3%A1rn.jpg)
![Thumb image](http://upload.wikimedia.org/wikipedia/commons/thumb/6/62/Sigr%C3%BAn_Sigurhjartard%C3%B3ttir_2.jpg/640px-Sigr%C3%BAn_Sigurhjartard%C3%B3ttir_2.jpg)
Kona Þórarins var Sigrún Sigurhjartardóttir (f. 2. ágúst 1888, d. 5. febrúar 1959). Hún var dóttir Sigurhjartar Jóhannessonar bónda á Urðum í Svarfaðardal og fyrri konu hans Soffíu Jónsdóttur en hún var ættuð frá Litlulaugum í Reykjadal í Suður-Þingeyjarsýslu.
Þórarinn og Sigrún áttu fjögur börn sem upp komust:
- Þorbjörg (f. 6. mars 1914), húsfreyja í Reykjavík
- Kristján Eldjárn (f. 6. desember 1916, d. 14. september 1982), þjóðminjavörður og forseti Íslands
- Hjörtur Friðrik (f. 24. febrúar 1920, d. 1. apríl 1996), bóndi á Tjörn
- Petrína Soffía (f. 17. febrúar 1922 d. 9. júlí 2003), húsfreyja á Akureyri
Þórarinn sinnti félagsmálum allmikið.
- Var í stjórn Ungmennafélags Svarfdæla 1909-1927
- Í hreppsnefnd Svarfaðardalshrepps 1919-1925 og 1934-1938
- Hreppsstjóri 1929-1968
- Sýslunefndarmaður 1924-1966
- Í Stjórn og fulltrúaráði Sparísjóðs Svarfdæla frá 1921
- Í stjórn KEA 1938-1958
- Stjórnarformaður KEA 1947-1958
Í fulltrúaráði Samvinnutrygginga og Andvöku 1947-1960