Vetrarblóm

Vetrarblóm (fræðiheiti: Saxifraga oppositifolia) er jurt af steinbrjótsætt sem ber rauð eða rauðfjólublá blóm. Vetrarblóm vex víða á norðurslóðum og til fjalla sunnar, t.d. í norðurhluta Bretlands, Ölpunum og í Klettafjöllunum.

Vetrarblóm
Vísindaleg flokkun
Ríki: Jurtaríki (Plantae) Fylking: Dulfrævingar (Magnoliophyta) Flokkur: Tvíkímblöðungar (Magnoliopsida) Ættbálkur: Steinbrjótsbálkur (Saxifragales) Ætt: Steinbrjótsætt (Saxifragaceae) Ættkvísl: Saxifraga Tegund: Vetrarblóm
Tvínefni
Saxifraga oppositifolia L.

Saxifraga oppositifolia

Vetrarblóm vex í klettum, á melum og rindum. Það er algengt um allt Ísland.

Greiningareinkenni

Sprotar vetrarblóms eru jarðlægir og oft um 5 til 20 cm á lengd. Laufblöðin eru 3-4 mm og öfugegglaga. Blómin eru 10 til 15 mm í þvermál. Þau eru rauð eða rauðfjólublá.

Undirtegundir

• Saxifraga oppositifolia ssp. glandulisepala Hultén - upprunin í Alaska.^[1]
• Saxifraga oppositifolia ssp. oppositifolia L. - upprunin á meginlandi Bandaríkjanna.^[2]
• Saxifraga oppositifolia ssp. smalliana (Engl. & Irmsch.) Hultén - upprunin í Alaska.^[3]

Samlífi

Á Íslandi vex sveppurinn grasmúrgróungur (Pleospora herbarum) á dauðum vefjum ýmissa plöntutegunda,^[4] meðal annars á vetrarblómi.^[5]

Vetrarblóm getur verið millihýsill fyrir víðiryðsvepp (Melampsora epitea).^[5]

Tilvísanir

1. „Saxifraga oppostifolia ssp. glandulisepala“. ITIS.
2. „Saxifraga oppostifolia ssp. oppostifolia“. ITIS.
3. „Saxifraga oppostifolia ssp. smalliana“. ITIS.
4. Helgi Hallgrímsson. 2010. Sveppabókin. Skrudda, Reykjavík. ISBN 978-9979-655-71-8
5. Helgi Hallgrímsson & Guðríður Gyða Eyjólfsdóttir (2004). Íslenskt sveppatal I - smásveppir. Geymt 17 október 2020 í Wayback Machine Fjölrit Náttúrufræðistofnunar. Náttúrufræðistofnun Íslands. ISSN 1027-832X

  Þessi grasafræðigrein er stubbur. Þú getur hjálpað til með því að bæta við greinina.