Sesame Street er bandarískur barnaþáttur sem Joan Ganz Cooney og Lloyd Morrisett sköpuðu. Þátturinn er þekktur fyrir fræðsluefni og sköpunargáfu sem er miðlað áfram í gegnum brúður Jim Henson´s, hreyfimyndir, stuttmyndir, fyndni og menningarlegar vísanir. Þættirnir hófu göngu sína þann 10. nóvember 1969 og hafa notið gríðarlegra vinsælda síðan.
| Sesame Street | |
|---|---|
| Tegund | Fræðandi sjónvarpsefni Brúðuleikur Hreyfimyndir Fræðandi skemmtun |
| Búið til af | Joan Ganz Cooney Lloyd Morrisett |
| Leikarar | Various |
| Höfundur stefs | Joe Raposo Jon Stone Bruce Hart |
| Upphafsstef | "Can You Tell Me How to Get to Sesame Street?" |
| Lokastef | "Can You Tell Me How to Get to Sesame Street?" (instrumental) |
| Upprunaland | Bandaríkin |
| Frummál | Enska |
| Fjöldi þáttaraða | 43 |
| Fjöldi þátta | 4.327 |
| Framleiðsla | |
| Framleiðandi | Samuel Gibbon Jon Stone |
| Staðsetning | Kaufman Astoria Studios Astoria, Queens, New York-borg |
| Lengd þáttar | 60 mínútur |
| Framleiðsla | Children's Television Workshop (1969–2000) Sesame Workshop (2000–present) |
| Dreifiaðili | Warner Home Video |
| Útsending | |
| Upprunaleg sjónvarpsstöð | NET (1969–1970) PBS (1970–present) |
| Sýnt | 10. nóvember 1969 – present |
Hugmyndin að Sesame Street varð til 1966 í umræðum á milli sjónvarps framleiðandans Joan Ganz Cooney og varaforseta Carnegie Foundation, Lloyd Morrisett. Markmið þeirra var að búa til barnaþátt sem myndi ,,ná vanabindandi gæðum sjónvarps og gera eitthvað gott við þau",[1] eins og að hjálpa börnum við undirbúning fyrir skólann. Eftir tveggja ára rannsóknarvinnu fékk hin nýstofnaða Children's Television Workshop (CTW) styrk að andvirði 8 milljón bandarískra dala (50 milljónir dala að núvirði) frá Carnegie Foundation, Ford Foundation og ríkistjórn bandaríkjanna, til þess að búa til og framleiða nýjan barnaþátt.[2] Þátturinn var frumsýndur 10. nóvember 1969.[3] Á fertugsafmæli þáttarins, 2009, hafði Sesame street verið sjónvarpað í 120 löndum og 20 útgáfur af þættinum höfðu verið búnar til, víðsvegar um heiminn.[4]
Velgengni þáttarins hélt áfram á níunda áratugnum. 1981 þegar ríkistjórnin dró til baka styrk sinn, markaðsetti CTW þáttinn með útgáfu tímarita, höfundarlaunum af bókum, vöruleyfi og innkomu vegna útsendinga erlendis.[5] Námskrá Sesame Street hefur aukist til að innihalda tilfinningaleg efni eins og sambönd, siðfræði og tilfinningar. Margir söguþræðir þáttana voru teknir frá reynslu starfsfólksins, einkum dauða Will Lee 1982 - sem lék Mr. Hooper[6]—og gifting Luis og Maria 1988.[7]
Á síðustu árum hefur Sesame street staðið frammi fyrir félagslegum og efnahagslegum áskorunum, þar á meðal breytingum hvernig börn horfa á sjónvarpsefni, samkeppni frá öðrum þáttum, þróun kapalsjónvarpsins og minnkandi áhorf.[8] Eftir aldarmótin 2000, voru skipulagsbreytingar gerðar á Sesame Street. Til dæmis, frá 2002 varð þátturinn meira í frásagnarformi og innihélt áframhaldandi söguþræði. Eftir þrítugsafmæli þáttarins 1999 og vegna vinsælda Elmo í prúðuleikurunum, innihélt þátturinn einnig vinsælt myndbrot sem var þekkt sem "Veröld Elmo".[9] Eftir fertugsafmæli þáttarins, fékk þátturinn heiðursverðlaun Emmy.[10]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
