Hnúðfura

Hnúðfura (fræðiheiti: Pinus attenuata)(einnig nefnd Pinus tuberculata^[3]) er furutegund sem vex í mildu veðurfari í mögrum jarðvegi. Hún vex frá suðurhluta Oregon til Baja California með mesta þéttleikann í norður Kaliforníu og á landamærum Oregon-Kaliforníu.^[4]

Hnúðfura
Ástand stofns
Ekki í útrýmingarhættu (IUCN) [1]
Vísindaleg flokkun
Ríki: Jurtaríki (Plantae) Fylking: Berfrævingar (Pinophyta) Flokkur: Barrtré (Pinopsida) Ættbálkur: Pinales Ætt: Þallarætt (Pinaceae) Ættkvísl: Furur (Pinus) Undirættkvísl: Pinus section Trifoliae Subsection Australes Tegund: P. attenuata
Tvínefni
Pinus attenuata Lemmon[2]
Samheiti
Pinus tuberculata var. acuta Mayr Pinus tuberculata Gordon Pinus californica Hartw.

Lýsing

Króna hnúðfuru er yfirleitt keilulaga með beinum stofni. Hún verður 8 til 24m há.^[5] Hinsvegar getur hún verið runni á sérstaklega erfiðum stöðum. Hýn kýs þurran, grýttan fjallajarðveg. Börkurinn er sléttur, flagnandi og grábrúnn á yngri hlutum trésins, og verður grárauðbrúnn með grunnum sprungum og hreistruðum hryggjum á eldri hlutum. Árssprotarnir eru rauðbrúnir og oft klístraðir.

• 
  Greinar og barr
• 
  Greinar og könglar
• 
  Köngull
• 

Barrnálarnar eru 3 saman í búnti,^[6] gulgrænar og undnar, 9 til 15 sm langar. Könglarnir eru 8 til 16 sm langir, 3 til 6 saman á greinunum. Köngulskeljarnar enda á stuttum, stífum gaddi. Þeir haldast lokaðir í mörg ár þar til eldur opnar þá og þeir losa fræin. Fyrir vikið geta könglarnir orðið eftir í viðnum þegar tréð stækkar.

Hnúðfura vex í nær hreinum skógum en getur myndað blendinga við Pinus muricata, og Geislafuru (Pinus radiata) (P. x attenuradiata) við ströndina. Litningatalan er 2n=24.^[7]