Carlos Scarone

Carlos Scarone (10. nóvember 1888 – 12. maí 1965) var sigursæll úrúgvæskur knattspyrnumaður á öðrum og þriðja áratug tuttugustu aldar. Hann var eldri bróðir Héctor Scarone sem lék með honum í úrúgvæska landsliðinu.

Carlos Scarone
Upplýsingar
Fæðingardagur	10. nóvember 1888(1888-11-10)
Fæðingarstaður	Montevídeó, Úrúgvæ
Dánardagur	12. maí 1965 (76 ára)
Dánarstaður	Montevídeó, Úrúgvæ
Leikstaða	Framherji
Meistaraflokksferill1
Ár	Lið	Leikir (mörk)
1908	River Plate	-
1909-11	CURCC	-
1912	Racing Club	-
1913	Boca Juniors	-
1914-27	Nacional	227 (152)
Landsliðsferill
1909-1922	Úrúgvæ	25 (17)
1 Leikir með meistaraflokkum og mörk talið í aðaldeild liðsins.

Líf og keppnisferill

Carlos Scarone (til hægri) og Isabelino Gradín árið 1938 í sýningarleik með gömlum kempum.

Carlos Scarone var framherji sem lék með mörgum af sterkari liðum Úrúgvæ og Argentínu á fyrsta fjórðungi tuttugustu aldar. Hann varð átta sinnum úrúgvæskur meistari með Nacional og einu sinni með CURCC, sem var forveri Peñarol.

Scarone lék 25 landsleiki fyrir hönd Úrúgvæ á árabilinu 1909 til 1922. Hann varð í tvígang Suður-Ameríkumeistari, árin 1917 og 1920.

Árið 1927 lagði Scarone skóna á hilluna. Hann hélt þó áfram að vera viðriðinn knattspyrnuna og gegndi m.a. um tíma starfi þjálfara Nacional á fjórða áratugnum. Hann lést árið 1965 í Montevídeó.

Titlar

CURCC

• Úrúgvæskur meistari (1): 1911

Nacional

• Úrúgvæskur meistari (8): 1915, 1916, 1917, 1919, 1920, 1922, 1923, 1924

Úrúgvæ

• Suður-Ameríkukeppnin (2): 1917, 1920.

Heimildir

• Fyrirmynd greinarinnar var „Carlos Scarone“ á ensku útgáfu Wikipedia. Sótt 18. desember 2023.