Búbbarnir

Búbbarnir er íslensk sjónvarpsþáttaröð í leikstjórn Braga Þórs Hinrikssonar. Þættirnir eru brúðugrínþættir sem gerast á sjónvarpstöð. Handritshöfundur þáttanna er Gísli Rúnar Jónsson, Bragi Þór Hinriksson stóð einnig fyrir þróun þeirra. Raddsetning er í höndum Sveppa, Björgvins Franz Gíslassonar, Jóhanns G. Jóhannassonar og Vilhjálms Goða. Tónlistin er samin af Jóni Ólafssyni.

Búbbarnir
Tegund	Gamanþáttur
Talsetning	Vilhjálmur Goði Friðriksson Björgvin Franz Gíslason Jóhann G. Jóhannsson
Tónskáld	Jón Ólafsson
Upprunaland	Ísland
Frummál	Íslenska
Fjöldi þáttaraða	1
Fjöldi þátta	21
Framleiðsla
Klipping	Brynjar Harðarsson Bragi Hinriksson
Útsending
Upprunaleg sjónvarpsstöð	Stöð 2
Sýnt	26. ágúst 2006 – 11. janúar 2007
Tenglar
IMDb tengill

Þættirnir hófu göngu sína 26. ágúst 2006 á Stöð 2 á laugardagskvöldum en voru seinna færðir yfir á fimmtudagskvöld; sýningum lauk 11. janúar 2007. Búbbarnir voru síðan endursýndir sumarið 2007 og haustið 2012.

Viðtökur voru dræmar: Gagnrýnendur Fréttablaðsins og DV voru ekki hrifnir í dómum sínum,^[1][2] þættirnir hlutu einnig Gullkindina sem verstu íslensku sjónvarpsþættir ársins 2006.^[3] Þeir voru jafnframt kosnir 5-6 verstu íslensku sjónvarpsþættir allra tíma af álitsgjöfum DV árið 2012^[4].

Leikraddir

Leikari	Hlutverk
Vilhjálmur Goði Friðriksson	Fréttamaður
Björgvin Franz Gíslason	Spænskur kokkur
Jóhann G. Jóhannsson	Dói