Xi Jinping
Aðalritari kínverska kommúnistaflokksins og forseti Alþýðulýðveldisins Kína / From Wikipedia, the free encyclopedia
Xi Jinping (einfölduð kínverska: 习近平; f. 15. júní 1953) er leiðtogi Alþýðulýðveldisins Kína sem aðalritari Kommúnistaflokks Kína. Hann er forseti landsins og formaður hinnar valdamiklu hernaðarnefndar Kommúnistaflokks landsins. Hann er jafnframt leiðtogi fimmtu valdakynslóðar Kína.
- Þetta er kínverskt nafn: kenni- eða fjölskyldunafnið er Xi, eiginnafnið er Jinping.
Xi Jinping 习近平 | |
---|---|
Aðalritari kínverska kommúnistaflokksins | |
Núverandi | |
Tók við embætti 15. nóvember 2012 | |
Forveri | Hu Jintao |
Forseti Alþýðulýðveldisins Kína | |
Núverandi | |
Tók við embætti 14. mars 2013 | |
Forsætisráðherra | Li Keqiang Li Qiang |
Varaforseti | Li Yuanchao Wang Qishan Han Zheng |
Forveri | Hu Jintao |
Persónulegar upplýsingar | |
Fæddur | 15. júní 1953 (1953-06-15) (70 ára) Peking, Kína |
Stjórnmálaflokkur | Kommúnistaflokkur Kína |
Maki | Ke Lingling (g. 1979; skilin 1982) Peng Liyuan (g. 1987) |
Börn | Xi Mingze |
Foreldrar | Xi Zhongxun og Qi Xin |
Starf | Stjórnmálamaður |
Undirskrift |
Sem sonur kommúnistans Xi Zhongxun þjónaði Xi Jinping að mestu leyti í Fujian-héraði í upphafi ferils síns, og var síðar skipaður flokksleiðtogi yfir Zhejiang-héraðinu, og síðar sem flokksleiðtogi Sjanghæ í kjölfar brottvikningar Chen Liangyu. Hann varð þekktur fyrir frjálslynda stefnu, en sterka andstöðu við spillingu. Hann var talsmaður umbóta í stjórnmálum og í átt til markaðshagkerfis.
Xi er talinn einn voldugasti leiðtogi Kínverja í marga áratugi; jafnvel frá dögum Maó Zedong.[1] Árið 2017 voru yfirburðir hans lögfestir í stefnuskrá kínverska kommúnistaflokksins þegar nafni hans og hugmyndafræði, „Xi Jinping-hugsun“, var bætt þar inn.[2]