![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/59/Suzhou-location-MAP-in-Jiangsu-Province-China-2.jpg/640px-Suzhou-location-MAP-in-Jiangsu-Province-China-2.jpg&w=640&q=50)
Suzhou
stórborg á austurhluta Jiangsu-héraðs í Kína / From Wikipedia, the free encyclopedia
Suzhou (kínverska:苏州; rómönskun: Sūzhōu; einnig þekkt sem Soo-chow) er stórborg á austurhluta Jiangsu-héraðs í Alþýðulýðveldinu Kína. Í þessari vatnaborg við suðurhluta Jangtsefljóts voru árið 2020 um 5,9 milljónir íbúar í borginni sjálfri, en á stjórnsýslusvæðinu öllu bjuggu um 12.7 milljónir.[1]
![Suzhou við Tai vatn í Jiangsu-héraði Kína. Árið 2020 bjuggu í vatnaborginni 7,4 milljónir manna, en um 12.7 milljónir á öllu stjórnsýslusvæði borgarinnar.](http://upload.wikimedia.org/wikipedia/commons/thumb/0/09/Jinji_Lake_Suzhou_November_2017_002.jpg/640px-Jinji_Lake_Suzhou_November_2017_002.jpg)
![Kort er sýnir staðsetningu Suzhou borgar í Jiangsu héraði í Kína.](http://upload.wikimedia.org/wikipedia/commons/thumb/5/59/Suzhou-location-MAP-in-Jiangsu-Province-China-2.jpg/640px-Suzhou-location-MAP-in-Jiangsu-Province-China-2.jpg)
![Kort af Jiangsu héraði er sýnir staðsetningu Suzhou borgar.](http://upload.wikimedia.org/wikipedia/commons/thumb/f/f6/Suzhou_locator_map_in_Jiangsu.svg/640px-Suzhou_locator_map_in_Jiangsu.svg.png)
Suzhou situr á fremur flatri, láglendri sléttu milli Tai-vatns í vestri og stórborgarinnar Sjanghæ í austri. Borgin þekur 8.657 ferkílómetra svæði með ám, vötnum og sjávarföllum, sem eru 36,6% af heildarflatarmálinu. Hún er staðsett á suðurhluta Miklaskurðar, manngerðra skipa- og áveituskurða í Austur Kína; er tengir saman tvö helstu fljót Kína: Gulafljót og Jangtsefljót, auk annarra fljóta og vatna.
Umkringd skurðum á öllum fjórum hliðum og skorin þvert með minni síkjum, stjórnar borgin Jangtse óshólmasvæðinu norðan og norðaustur af Tai-vatni. Suzhou er staður mikillar fegurðar, með vötnum, ám, tjörnum, frægum görðum og röð fallegra hæða meðfram austurströnd vatnsins. Borgin liggur einnig í miðju eins gjöfulasta landbúnaðarhéraðs Kína.
Allt frá 10. öld hefur Suzhou verið mikilvæg miðstöð iðnaðar og utanríkisviðskipta. Síðan efnahagsumbætur hófust í Kína árið 1978, hefur Suzhou verið ört vaxandi stórborg hagvaxtar og aukinnar velmegunar.