From Wikipedia, the free encyclopedia
Silvio Berlusconi (29. september 1936 – 12. júní 2023) var ítalskur stjórnmálamaður og athafnamaður, fyrrverandi forsætisráðherra Ítalíu og formaður stjórnmálaflokksins Forza Italia („Áfram Ítalía“) sem hann stofnaði þegar hann hóf stjórnmálaþátttöku fyrir þingkosningar á Ítalíu í mars 1994. Hann var fjórum sinnum forsætisráðherra Ítalíu.
Silvio Berlusconi | |
---|---|
![]() | |
Forsætisráðherra Ítalíu | |
Í embætti 10. maí 1994 – 17. janúar 1995 | |
Forseti | Oscar Luigi Scalfaro |
Forveri | Carlo Azeglio Ciampi |
Eftirmaður | Lamberto Dini |
Í embætti 11. júní 2001 – 17. maí 2006 | |
Forseti | Carlo Azeglio Ciampi |
Forveri | Giuliano Amato |
Eftirmaður | Romano Prodi |
Í embætti 8. maí 2008 – 16. nóvember 2011 | |
Forseti | Giorgio Napolitano |
Forveri | Romano Prodi |
Eftirmaður | Mario Monti |
Persónulegar upplýsingar | |
Fæddur | 29. september 1936 Mílanó, Ítalíu |
Látinn | 12. júní 2023 (86 ára) Mílanó, Ítalíu |
Þjóðerni | Ítalskur |
Stjórnmálaflokkur | Forza Italia |
Maki | Carla Dall'Oglio (g. 1965; skilin 1985) Veronica Lario (g. 1990; skilin 2010) Francesca Pascale (2013–) |
Börn | Marina Pier Silvio Barbara Eleonora Luigi |
Háskóli | Háskólinn í Mílanó |
Starf | Viðskiptamaður, stjórnmálamaður |
Undirskrift | ![]() |
Kosningabandalag Berlusconis, Polo della Libertà, sigraði í kosningunum 1994 en hann var þó forsætisráðherra í aðeins sjö mánuði árið 1994 þar sem stjórn hans sagði af sér vegna yfirvofandi vantrausttillögu. Árið 2001 vann kosningabandalag það sem hann fór fyrir (Casa della Libertà) kosningarnar og hann varð aftur forsætisráðherra. Sú stjórn varð sú langlífasta í sögu ítalska lýðveldisins. 20. apríl 2005 sagði stjórnin af sér vegna taps í sveitarstjórnarkosningum og vandamála í stjórnarsamstarfinu, en 24. apríl myndaði Berlusconi nýja stjórn með litlum breytingum. Í þingkosningum í apríl 2006 töpuðu hægriflokkarnir undir stjórn Berlusconis með aðeins 25.000 atkvæða mun fyrir Einingarbandalagi vinstri og miðflokka. Berlusconi sagði af sér embætti forsætisráðherra Ítalíu 12. nóvember 2011 eftir að honum var kennt um bágt gengi ítalska efnahagsins.
Berlusconi var leiðtogi mið-hægriflokksins Forza Italia frá 1994 til 2009 og síðar Il Popolo della Libertà (Fólk frelsisins) frá 2009 to 2013. Hann leiddi svo á nýjan leik Forza Italia frá 2013 til 2023.
Áður en hann hóf stjórnmálaþátttöku var Berlusconi þekktur athafnamaður á sviði byggingariðnaðar og fjölmiðla. Hann var talinn ríkasti maður Ítalíu og 190. ríkasti maður heims, að mati tímaritsins Forbes.[1] og 3. ríkasti maður Ítalíu þegar hann lést árið 2023. Hann átti knattspyrnufélagið AC Milan frá 1986 til 2017.
Berlusconi stóð oft staðið frammi fyrir ásökunum um spillingu og hagsmunaárekstur sem eigandi langstærstu einkareknu fjölmiðlasamsteypu Ítalíu. Hann var dæmdur fyrir skattsvindl árið 2013 og sama ár fyrir að greiða vændiskonu undir lögaldri. Hann sat þó ekki inni fyrir bæði brot, en greiddi sekt og vann samfélagsvinnu.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.