![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/62/Palatine_Hill_from_across_the_Circus_Maximus_April_2019.jpg/640px-Palatine_Hill_from_across_the_Circus_Maximus_April_2019.jpg&w=640&q=50)
Palatínhæð
From Wikipedia, the free encyclopedia
Palatínhæð (latína: Palatium) er ein hinna sjö hæða rómar og sú þeirra sem kemst næst því að vera í miðjunni. Hún er 70 metra há og öðrum megin við hana stendur Circus Maximus en hinum megin Forum Romanum. Samkvæmt rómverskri goðafræði var það á Palatínhæð sem úlfynjan sem hélt þeim á lífi sem ungabörn fann Rómúlus og Remus. Síðar áttu þeir að hafa stofnað borgina á þessum stað. Hvað sem við kemur goðsögninni er það rétt að Rómarborg virðist eiga uppruna sinn á hæðinni. Talið er að búið hafi verið þar síðan um það bil 1000 f. Kr. Á lýðveldistímanum áttu margir heldri borgarar heimili sín á Palatínhæð og síðar áttu sumir keisaranna hallir þar. Lengi hafa farið fram fornleifauppgreftir á Palantínhæð. Á sínum tíma lét Ágústus gera þar uppgröft og fundust þar bronsaldarleifar í jörðu. Hann lýsti því yfir, sem nútíma uppgreftir hafa staðfest, að þar hefði verið hinn upprunalegi bær Rómar. Í dag er hæðin öll eitt stórt safn.
![Thumb image](http://upload.wikimedia.org/wikipedia/commons/thumb/6/62/Palatine_Hill_from_across_the_Circus_Maximus_April_2019.jpg/640px-Palatine_Hill_from_across_the_Circus_Maximus_April_2019.jpg)