![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/df/Nor%25C3%25B0urland_eystra_in_Iceland_2018.svg/langis-640px-Nor%25C3%25B0urland_eystra_in_Iceland_2018.svg.png&w=640&q=50)
Norðurland eystra
landshluti á Íslandi / From Wikipedia, the free encyclopedia
Norðurland eystra er hérað sem nær yfir austurhluta Norðurlands. Það var upphaflega skilgreint sem eitt af átta kjördæmum Íslands árið 1959 og náði yfir Eyjafjarðarsýslu, Suður-Þingeyjarsýslu og Norður-Þingeyjarsýslu ásamt með kaupstöðunum Akureyri, Ólafsfirði, Dalvík og Húsavík. Sjá grein um Norðurlandskjördæmi eystra varðandi úrslit alþingiskosninga í kjördæminu. Með breyttri kjördæmaskipan sem fyrst var kosið eftir 2003 var Norðurlandskjördæmi eystra sameinað Austurlandskjördæmi til að mynda Norðausturkjördæmi.
ár | mannfjöldi | hlutfall af heildarfjölda |
1920 | 14.222 | 15,06% |
1930 | 16.947 | 15,60% |
1940 | 19.769 | 16,26% |
1950 | 21.776 | 15,09% |
1960 | 22.449 | 12,52% |
1970 | 24.386 | 11,92% |
1980 | 27.703 | 11,98% |
1990 | 27.942 | 10,84% |
2000 | 28.181 | 9,89% |
2010 | 28.900 | 9,09% |
![](http://upload.wikimedia.org/wikipedia/commons/thumb/d/df/Nor%C3%B0urland_eystra_in_Iceland_2018.svg/640px-Nor%C3%B0urland_eystra_in_Iceland_2018.svg.png)
1992 var Héraðsdómur Norðurlands eystra stofnaður með aðsetur á Akureyri.
Norðurland eystra er eitt af átta héruðum sem Hagstofa Íslands notar við framsetningu á ýmsum talnagögnum, t.d. um íbúafjölda. Árið 2007 var héraðið stækkað bæði til austurs og vesturs eftir sameiningu sveitarfélaga yfir mörk þess. Siglufjörður sameinaðist Ólafsfirði og sameinað sveitarfélag þeirra, Fjallabyggð, telst nú til Norðurlands eystra. Sömu sögu er að segja af Þórshafnarhreppi og Skeggjastaðahreppi sem sameinuðust í Langanesbyggð.
1. desember 2007 bjuggu 28.797 á Norðurlandi eystra, þar af 17.073 á Akureyri. Aðrir stærri bæir eru Húsavík, Dalvík Siglufjörður og Ólafsfjörður.