![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9f/Europe-Republic_of_North_Macedonia.svg/langis-640px-Europe-Republic_of_North_Macedonia.svg.png&w=640&q=50)
Norður-Makedónía
From Wikipedia, the free encyclopedia
Norður-Makedónía (opinbert heiti Lýðveldið Norður-Makedónía) er land á Balkanskaga í suðaustanverðri Evrópu sem varð til við upplausn Júgóslavíu 1991. Nafngift landsins hefur verið mjög umdeild vegna þess að Makedónía er líka nafn á stærra landsvæði sem nær til lýðveldisins ásamt hluta Grikklands og Búlgaríu. Landið varð aðili að Sameinuðu þjóðunum árið 1993 undir heitinu „Fyrrum júgóslavneska lýðveldið Makedónía“. Makedónía er einnig nafn á héraði í Grikklandi nútímans.
Lýðveldið Norður-Makedónía | |
![]() |
![]() |
Fáni | Skjaldarmerki |
Þjóðsöngur: Денес Над Македонија | |
![]() | |
Höfuðborg | Skopje |
Opinbert tungumál | Makedónska |
Stjórnarfar | Lýðveldi |
Forseti | Gordana Siljanovska-Davkova |
Forsætisráðherra | Hristijan Mickoski |
Sjálfstæði | frá Júgóslavíu |
• Yfirlýst | 8. september 1991 |
• Viðurkennt | 8. apríl 1993 |
Flatarmál • Samtals • Vatn (%) |
148. sæti 25.713 km² 1,9 |
Mannfjöldi • Samtals (2019) • Þéttleiki byggðar |
140. sæti 1.837.000 80,1/km² |
VLF (KMJ) | áætl. 2012 |
• Samtals | 22,147 millj. dala (124. sæti) |
• Á mann | 10.718 dalir (85. sæti) |
Gjaldmiðill | Denar (MKD) |
Tímabelti | UTC+1 |
Þjóðarlén | .mk |
Landsnúmer | +389 |
![Thumb image](http://upload.wikimedia.org/wikipedia/commons/thumb/a/a9/North_Macedonia-CIA_WFB_Map.png/320px-North_Macedonia-CIA_WFB_Map.png)
Norður-Makedónía er landlukt land sem liggur að Grikklandi í suðri, Búlgaríu í austri, Kosóvó í norðvestri, Serbíu í norðri og Albaníu í vestri. Höfuðborg landsins er Skopje með um hálfa milljón íbúa. Aðrar helstu borgir eru Bitola, Kumanovo, Prilep, Tetovo, Ohrid, Veles, Štip, Kočani, Gostivar, Kavadarci og Strumica. Þar eru yfir 50 stöðuvötn og sextán fjöll sem ná yfir 2000 metra hæð. Lýðveldið Norður-Makedónía er aðili að Sameinuðu þjóðunum, Evrópuráðinu, og Atlantshafsbandalaginu, og hefur sótt um aðild að Evrópusambandinu.