![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b6/Tourists_at_J%25C3%25B6kuls%25C3%25A1rl%25C3%25B3n.jpg/640px-Tourists_at_J%25C3%25B6kuls%25C3%25A1rl%25C3%25B3n.jpg&w=640&q=50)
Jökulsárlón
From Wikipedia, the free encyclopedia
![Thumb image](http://upload.wikimedia.org/wikipedia/commons/thumb/b/b6/Tourists_at_J%C3%B6kuls%C3%A1rl%C3%B3n.jpg/640px-Tourists_at_J%C3%B6kuls%C3%A1rl%C3%B3n.jpg)
![Thumb image](http://upload.wikimedia.org/wikipedia/commons/thumb/2/2c/J%C3%B6kuls%C3%A1rl%C3%B3n_lagoon_in_southeastern_Iceland.jpg/640px-J%C3%B6kuls%C3%A1rl%C3%B3n_lagoon_in_southeastern_Iceland.jpg)
Jökulsárlón er stórt jökullón við rætur Breiðamerkurjökuls í suðurhluta Vatnajökulsþjóðgarðs. Lónið er friðlýst sem hluti af Vatnajökulsþjóðgarði m.a. með það að markmiði að "vernda landslag, lífríki, jarðmyndanir og menningarminjar svæðisins og gefa almenningi kost á að kynnast og njóta náttúru þess og sögu."[1] Úr lóninu rennur Jökulsá á Breiðamerkursandi.
Lónið stækkar eftir því sem Breiðamerkurjökull hopar, en það er nú um 25 km2. Dýpt lónsins mældis 284 metrar árið 2009[2] en dýpt rennunnar sem Breiðamerkurjökull liggur í teygir sig um 300 metra undir sjávarmál samkvæmt íssjármælingum.[3] Jökulsárlón er dýpsta vatn landsins.