![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d3/Judas_Priest_Retribution_2005_Tour.jpg/640px-Judas_Priest_Retribution_2005_Tour.jpg&w=640&q=50)
Judas Priest
From Wikipedia, the free encyclopedia
Judas Priest er ensk þungarokkshljómsveit frá Birmingham, Englandi. Hún var stofnuð árið 1969. Rob Halford hefur yfirleitt verið söngvari Priest.
![Thumb image](http://upload.wikimedia.org/wikipedia/commons/thumb/d/d3/Judas_Priest_Retribution_2005_Tour.jpg/640px-Judas_Priest_Retribution_2005_Tour.jpg)
Priest náði verulegum vinsældum fyrst með plötunni British Steel (1980). Ímynd þeirra með leður og göddum var áhrifamikil á þungarokksmenninguna.
Halford yfirgaf Priest eftir Painkiller tónleikaferðalagið árið 1991 en kom svo aftur árið 2003. Painkiller-platan var umsnúningur í hraðari og þungari stíl frá síðustu plötum sem voru poppaðri.
Á árunum 1996-2003 var Tim Ripper Owens söngvari hljómsveitarinnar. Owens hafði áður verið í sveitinni British Steel sem tók ábreiðulög frá Judas Priest og náði eyrum hljómsveitarinnar eftir að Halford hætti. Kvikmyndin Rockstar með Mark Wahlberg og Jennifer Aniston er innblásin af veru Owens í Priest. Warner Bros sem framleiddi myndina vildi hafa Priest að einhverju leyti með í ráðum en að lokum komst hljómsveitin ekki að samkomulagi við Warner Bros þar sem meðlimirnir vildu hafa meiri áhrif á handritið. [1]
Árið 1990 var Judas Priest ákærð vegna sjálfsmorðs tveggja unglinga. Fjölskyldur þeirra héldu því fram að orsök sjálfsmorðanna hafi mátt rekja til þess að á plötu þeirra, Stained Class sem þeir höfðu verið að hlusta á áður en þeir frömdu verknaðinn, hafi verið duld skilaboð um hvatningu til sjálfsmorðs. Með því að spila lög af Stained Class aftur á bak hafi mátt heyra skilaboð eins og: „Gerðu það, gerðu það," [2]. Hljómsveitin var sýknuð af ákærunni.
Upprunalegu gítarleikarar Priest spila ekki lengur með bandinu: KK Downing hætti árið 2011 eftir ósætti við meðlimi og Glen Tipton gat ekki haldið áfram frá 2018 vegna Parkinsonveiki.
Síðan hefur Richie Faulkner sem spilað hefur í bandi Lauren Harris, dóttur Steve Harris, úr Iron Maiden tekið við gítarskyldum. Pródusentinn og gítarleikarinn Andy Sneap hefur svo hjálpað til á tónleikaferðalögum og í stúdíói.
Platan Firepower frá 2018 fékk mjög góða dóma og var framlag Faulkners lofað.
Árið 2022 var Priest heiðruð í Rock n'roll Hall of Fame.
K.K. Downing stofnaði KK's Priest árið 2020 og fékk Ripper Owens til að syngja þar.