![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4e/Ivanka_Trump_official_portrait_%2528cropped%2529.jpg/640px-Ivanka_Trump_official_portrait_%2528cropped%2529.jpg&w=640&q=50)
Ivanka Trump
From Wikipedia, the free encyclopedia
Ivana Marie "Ivanka" Trump (/ɪˈvɑːŋkə/; fædd 30. október 1981)[1] er bandarísk kaupsýslukona og aðstoðarmaður föður síns Donalds Trump, bandaríkjaforseta[2] frá 2017 til 2021. Þá gegndi hún embætti stjórnanda Frumkvöðlastofnunar Bandaríkjanna, The Office of Economic Initiatives and Entrepreneurship.[3][4]
Ivanka Trump | |
---|---|
![]() | |
Aðstoðarmaður Bandaríkjaforseta | |
Í embætti 29. mars 2017 – 20. janúar 2021 | |
Persónulegar upplýsingar | |
Fædd | 30. október 1981 (1981-10-30) (42 ára) Manhattan, New York-borg, New York, Bandaríkin |
Stjórnmálaflokkur | Repúblikanaflokkurinn |
Maki | Jared Kushner (g. 2009) |
Starf | Aðstoðarmaður bandaríkjaforseta |
Hún er næst elst barna Donalds Trump og fyrstu eiginkonu hans, Ivönu Trump, kaupsýslukonu, fyrirsætu og rithöfundar. Hún er fyrsti gyðingurinn sem er hluti af fjölskyldu bandaríkjaforseta, en hún snerist til gyðingdóms þegar hún giftist eiginmanni sínum, Jared Kushner.[5]
Hún gegndi stöðu aðstoðarstjórnanda í fjölskyldufyrirtækinu Trump Organization. Hún var einnig dómari í raunveruleikaþætti föður síns The Apprentice.[6][7][8] Hún sagði upp starfi sínu hjá Trump Organization í mars 2017 til að taka við embætti innan ríkisstjórnar föður síns ásamt eiginmanni sínum. Ivanka var gagnrýnd vegna aðgengis að trúnaðarupplýsingum á sama tíma og hún hafði frjálsari hendur en aðrir opinberir starfsmenn. Í kjölfarið bauðst hún sjálfviljug til að senda hinu opinbera „gögn sem krafist var af opinberum starfsmönnum samhliða því að gegna sömu siðareglum og aðrir.“[9][10]
Samhliða stöðu sinni í Hvíta húsinu starfaði hún einnig við eigið tískufyrirtæki, allt fram í júlí 2018. Sú ákvörðun var gagnrýnd vegna hagsmunaárekstra.[11] Hún var ætíð talin tilheyra innsta hring forsetans, líka áður en hún tók við opinberri stöðu.[12]