Forseti Aserbaísjans From Wikipedia, the free encyclopedia
Ilham Aliyev (fullt nafn á asersku İlham Heydər oğlu Əliyev) (f. Baku, 24. desember 1961) er forseti Aserbaísjan.
Ilham Aliyev İlham Əliyev | |
---|---|
Forseti Aserbaísjans | |
Núverandi | |
Tók við embætti 31. október 2003 | |
Forsætisráðherra | Artur Rasizade Novruz Mammadov Ali Asadov |
Varaforseti | Mehriban Aliyeva |
Forveri | Heydar Aliyev |
Forsætisráðherra Aserbaísjans | |
Í embætti 4. ágúst 2003 – 31. október 2003 | |
Forseti | Heydar Aliyev |
Forveri | Artur Rasizade |
Eftirmaður | Artur Rasizade |
Persónulegar upplýsingar | |
Fæddur | 24. desember 1961 Bakú, aserska sovétlýðveldinu, Sovétríkjunum (nú Aserbaísjan) |
Þjóðerni | Aserskur |
Stjórnmálaflokkur | Nýi Aserbaísjanflokkurinn |
Maki | Mehriban Aliyeva (g. 1983) |
Börn | 3 |
Foreldrar | Heydar Aliyev og Zarifa Aliyeva |
Háskóli | Alþjóðastofnun Moskvuháskóla |
Undirskrift |
Aliyev tók við stöðu forseta 31. október 2003, og þá af föður sínum, Heydar Aliyev, sem hafði verið forseti í 10 ár þar á undan.
Hefur hann fimm sinnum í röð unnið forsetakosningar, 2003, 2008, 2013, 2018 og 2024, en í öllum þessum og fleiri kosningum hefur Aliyev verið vændur um kosningamisferli til að halda völdum.[1][2][3][4]
Að sögn margra sem fylgjast með alþjóðamálum, hefur forsetatíð hans einkennst af stöðugleika í stjórnmálalífi landsins sem afleiðing af yfirvaldsstefnu og að stjórnmálaréttindi andstæðinga hafa verið skert og því ekki valdið eins miklum truflunum.[heimild vantar]
Í valdatíð Aliyev árið 2020 vann Aserbaísjan sigur í stríði gegn Armeníu um umdeilda héraðið Nagornó-Karabak. Armenar neyddust þar til að undirrita samning um vopnahlé með milligöngu Rússa þar sem Armenar urðu að láta af hendi talsvert af landi til Asera.[5] Eftir stutt stríð árið 2023 sigruðu Aserar síðan armenska Artsak-lýðveldið í Nagornó-Karabak og komu því aftur undir stjórn Aserbaísjans, með þeim afleiðingum að fjöldi armenskumælandi íbúa þess hraktist á flótta. Aliyev lýsti því yfir þann 15. október 2023 að hann hefði uppfyllt draum Asera til áratuga með því að endurheimta stjórn í Nagornó-Karabak.[6]
Aliyev var kjörinn til fimmta kjörtímabils síns án verulegrar mótstöðu í forsetakosningum Aserbaísjans árið 2024. Þetta var í fyrsta sinn frá falli Sovétríkjanna sem atkvæði voru greidd í aserskum kosningum í Nagornó-Karabak.[7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.