![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1c/Benedikt_J%25C3%25B3hannesson_%25282%2529.jpg/640px-Benedikt_J%25C3%25B3hannesson_%25282%2529.jpg&w=640&q=50)
Benedikt Jóhannesson
From Wikipedia, the free encyclopedia
Benedikt Jóhannesson (f. 4. maí 1955) er stofnandi og fyrrverandi formaður stjórnmálaflokksins Viðreisnar. Benedikt er með doktorsgráðu í tölfræði og stærðfræði og hefur rekið ráðgjafarfyrirtækið Talnakönnun og útgáfufélagið Heimur.[1] Áður en Benedikt stofnaði Viðreisn var hann félagi í Sjálfstæðisflokknum, en sagði sig úr honum árið 2014 vegna ágreinings um afstöðu til Evrópusambandsaðildar, sem Benedikt hafði stutt.[2] Benedikt var kjörinn fyrsti formaður Viðreisnar á stofnfundi flokksins þann 24. maí 2016.[3] Benedikt skipaði fyrsta sæti á lista Viðreisnar í Alþingiskosningunum 2016 í Norðausturkjördæmi.[4] Benedikt var skipaður fjármálaráðherra árið 2017 og var veitt lausn frá því embætti sama ár.
![Thumb image](http://upload.wikimedia.org/wikipedia/commons/thumb/1/1c/Benedikt_J%C3%B3hannesson_%282%29.jpg/320px-Benedikt_J%C3%B3hannesson_%282%29.jpg)
Árið 2021 ætlaði Benedikt að bjóða sig fram í 1. sæti Viðreisnar á Suðvesturhorninu fyrir Alþingiskosningar 2021. Honum var boðið heiðurssæti af uppstillingarnefnd sem hann þáði ekki. Í kjölfarið vildi hann afsökunarbeiðni en fékk ekki. Hann var því ekki á framboðslista flokksins. [5]