![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4a/Alexandria_Ocasio-Cortez_Official_Portrait.jpg/640px-Alexandria_Ocasio-Cortez_Official_Portrait.jpg&w=640&q=50)
Alexandria Ocasio-Cortez
Bandarískur fulltrúadeildarþingmaður frá New York / From Wikipedia, the free encyclopedia
Alexandria Ocasio-Cortez (f. 13. október 1989) er bandarískur stjórnmálamaður og aðgerðasinni.[1][2] Hún er meðlimur í Demókrataflokknum og hefur setið á fulltrúadeild Bandaríkjaþings fyrir 14. kjördæmi New York-fylkis frá 3. janúar árið 2019. Hún er yngsta kona sem náð hefur kjöri á Bandaríkjaþing.[3]
Alexandria Ocasio-Cortez | |
---|---|
![]() | |
Fulltrúadeildarþingmaður fyrir 14. kjördæmi New York-fylkis | |
Núverandi | |
Tók við embætti 3. janúar 2019 | |
Forveri | Joe Crowley |
Persónulegar upplýsingar | |
Fædd | 13. október 1989 (1989-10-13) (34 ára) New York-borg, New York, Bandaríkjunum |
Stjórnmálaflokkur | Demókrataflokkurinn |
Maki | Riley Roberts (2014–) |
Háskóli | Boston-háskóli |
Starf | Stjórnmálamaður |
Undirskrift | ![]() |
Alexandria Ocasio-Cortez er fædd í Bronx-hverfinu í New York. Faðir hennar er ættaður frá Púertó Ríkó og móðir hennar fædd þar. Ocasio-Cortez útskrifaðist úr Boston-háskóla með bakkalársgráðu í alþjóðasamskiptum með hagfræði sem aukagrein.[4]
Ocasio-Cortez vakti athygli um öll Bandaríkin þann 26. júní árið 2018 þegar hún vann, öllum að óvörum, forkjör Demókrataflokksins fyrir 14. kjördæmið í New York á móti sitjandi þingmanninum og þingflokksleiðtoganum Joe Crowley. Crowley hafði setið á þinginu í tíu kjörtímabil og fáum kom til hugar að hann ætti endurkjör ekki víst. Raunar hafði hann ekki haft fyrir því að mæta í kappræður fyrir forkosninguna á móti Ocasio-Cortez.[5][6][7][8][9] Í þingkosningunum þann 6. nóvember 2018 sigraði Ocasio-Cortez mótframbjóðanda sinn úr Repúblikanaflokknum, Anthony Pappas, og tók sæti á fulltrúadeild Bandaríkjaþings í janúar næsta ár.
Ocasio-Cortez er meðlimur í samtökum Sósíaldemókrata Bandaríkjanna og hefur talað fyrir vinstrisinnuðum stefnumálum eins og almennri heilbrigðisþjónustu, fæðingarorlofum, háskólamenntun fyrir allar stéttir, hærri skatta á þá ofurríku og endurskipulagningu á réttarkerfinu.[4]
Ásamt þremur flokkssystrum sínum myndar Ocasio-Cortez hóp róttækra, hörundsdökkra þingkvenna á fulltrúadeildinni sem kallaður hefur verið „sveitin“ (e. The Squad) í fjölmiðlaumfjöllun.