1551

Árið 1551 (MDLI í rómverskum tölum)

Ár

1548 1549 1550 – 1551 – 1552 1553 1554

Áratugir

1541–1550 – 1551–1560 – 1561–1570

Aldir

15. öldin – 16. öldin – 17. öldin

Höfnin í Mgarr á Gozo. Héðan voru íbúar eyjarinnar fluttir í þrældóm til Líbýu.

Gröf Gústafs Vasa og Margrétar Lejonhufvud í Uppsaladómkirkju.

Á Íslandi

• 25. janúar - Norðlenskir vermenn á Suðurnesjum drápu Kristján skrifara og þrettán aðra menn á Kirkjubóli á Miðnesi.
• Júlí - Danskt herskip kom í Eyjafjörð. Hermennirnir ríða til Hóla, leggja hald á það fémæti sem eftir er og láta höfðingja sverja konungi hollustueiða.
• Dauðadómur kveðinn upp yfir Jóni Arasyni á Oddeyri, ári eftir að hann var líflátinn.
• Otti Stígsson kom til landsins öðru sinni sem hirðstjóri. Eggert Hannesson tók svo við hirðstjóraembættinu þegar Otti fór úr landi um haustið.
• 16. október - Ólafur Hjaltason var útnefndur biskup í Hólabiskupsdæmi.

Fædd

Dáin

Opinberar aftökur

• Jón Kenriksson, bóndi á Kirkjubóli og húsmaður hans, Hallur á Sandkoti, voru dæmdir til dauða. Otti Stígsson lét handtaka þá tvo og var ætlunin að flytja þá til aftöku á Alþingi, en þar sem ferðin varð átakasöm voru þeir hálshöggnir við Straum. „Höfuðin voru fest á stangir, en bolirnir á hjóli sundur slitnir, og sá til merkis meir en 20 eður 30 ár“ segir í Grímsstaðaannáll.^[1]

Erlendis

• Júlí - Tyrkneskir og norður-afrískir sjóræningjar hernámu Miðjarðarhafseyjuna Gozo, sem tilheyrir Möltu, hertóku alla íbúa hennar (5-6000 talsins) og fluttu þá til Líbýu.
• Háskólar stofnaðir í Lima í Perú og í Mexíkóborg.

Fædd

• Boris Godunov Rússakeisari (d. 1605) (sennilega).
• 21. mars - María Anna af Bæjaralandi, erkihertogaynja af Austurríki (d. 1608).
• 19. september - Hinrik 3., Frakkakonungur (d. 1589).
• 9. nóvember - William Camden, enskur sagnaritari (d. 1623).

Dáin

• 26. ágúst – Margrét Leijonhufvud Svíadrottning (f. 1516).

Tilvísanir

1. Upplýsingar um aftökur sóttar á vef rannsóknarverkefnisins Dysjar hinna dauðu, þá ekki síst skrá á slóðinni https://dhd.hi.is/gogn/Info.pdf, sótt 15.2.20202.