From Wikipedia, the free encyclopedia
Damaskus esas chef-urbo di Siria, e la 2ma maxim populoza urbo di la lando pos Alepo. Lua metropolala regiono havas plu kam 2.4 milioni habitanti.
| Damaskus | ||
 | ||
| Kelk imaji de Damaskus. | ||
 |
 | |
| Standardo | Blazono | |
| Lando: |  Siria | |
Informo: | ||
| Latitudo: | 33º30'47"N | |
| Longitudo: | 36º17'31" E | |
| Altitudo: | 690 m | |
| Surfaco: | 77 km² | |
| Habitanti: | 1 834 741 (2010) | |
| Denseso di habitantaro: | 23,827.8 hab./km² | |
| Horala zono: | UTC+2 (UTC+3 dum la somero) | |
| Urbestro: | Bishr Al Sabban | |
Mapo: | ||
 | ||
Oficala retosituo: | ||
| www.damascus.gov.sy | ||
La nomo dil urbo evas adminime 3000 yari. Ol forsan signifikas 'industrieyo'.
Damaskus esas un ek la maxim anciena urbi del mondo. Homi ja habitis la regiono cirkume la 7ma yarmilo aK. La regiono esis parto di Babiloniana imperio, ed konquestesis da Alexandros la Magna dum la 4ma yarcento aK. En 64 aK generalo Pompeius Magnus anexis ol por Romana imperio.
L'urbo konsideresis importanta por la Romani. Segun la Nova Testamento, dum voyajo vers Damaskus Paulus vidis Iesu Kristo. En 222 l'imperiestro Septimius Severus transformis la regiono en kolonio.
En 635 la generalo Kalid ibn al-Walid konquestis l'urbo. Lua sucedinto, al-Walid, komencis en 706 la konstrukto di granda moskeo. Turki arivis dum la 11ma yarcento, ed Otomani okupis ol en 1516 e mantenis ol por cirkume 4 yarcenti. En 1867 misionero E. C. Miller kalkulis ke l'urbo havis cirkume 140.000 habitanti, di qui 30.000 esis kristani, 10.000 judi e 100.000 esis Mohamedani.
Pos fino dil unesma mondomilito Francia okupis Siria. Ye la 21ma di junio 1943 militala forci de Unionita Rejio e de Libera Francia kaptis l'urbo de la Francia di Vichy. Kande Siria divenis komplete nedependanta en 1946 Damaskus divenis chef-urbo di la lando.
Damaskus konstruktesis en strategiala loko di platajo, 680 metri adsur la maro, proxim la montaro Anti-Libano e la fluvio Barada, ed en la krucovoyo di du komercala voyi: la norda-suda voyo ligas Egiptia ad Avan-Azia, e l'esta-westa voyo trairas dezerto por ligar Libano al valo dil fluvio Eufrati. La montaro Anti-Libano esas la naturala frontiero qua separas Libano de Siria.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
