From Wikipedia, the free encyclopedia
Pau esas urbo an regiono Aquitania, Francia. Segun statistiki dil yaro 2021, ol havis 77 066 habitanti. Lua tota surfaco esas 31,5 km².
| Pau | ||
 | ||
| Kelk imaji pri Pau. | ||
 | ||
| Blazono | ||
| Lando: |  Francia | |
| Regiono: | Nov Aquitania | |
Informo: | ||
| Latitudo: | 43°18'N | |
| Longitudo: | 00°22'W | |
| Altitudo: | 178 m | |
| Surfaco: | 31,5 km² | |
| Habitanti: | 77 066 (2021) | |
| Denseso di habitantaro: | 2445 hab./km² | |
| Disto de Paris: | 782[1] km | |
| Horala zono: | UTC+1 (UTC +2 dum somero) | |
| Urbestro: | François Bayrou (MoDem)[2] | |
 • Pau | ||
Oficala retosituo: | ||
| www.pau.fr | ||
Cirkume la yaro 1000, konstruktesis fortifikuro an la loko di la nuna urbo, por kontrolar la pasado tra Pirenei. La fortifikuro - fuorto cirkondata per palisado - esis l'origino dil urbo. La nomo dil urbo, "Pau", signifikas "palisado" en la Bearnana. Ol divenis chef-urbo di olima provinco Béarn en 1464, e chef-urbo dil rejio Navara pos ke Pamplona kaptesis dal Kastiliani.
Ol esas sideyo dil universitato di Pau e di la Regiono Adour (France: Université de Pau et des Pays de l'Adour - UPPA). L'universitato havas 17 mil studenti e 3900 inquestisti.
Jacanta an la valo di rivero Gave de Pau e distanta 100 kilometri del Oceano Atlantiko e 50 km de Pirenei, la reliefo di Pau esas kolinoza. Riveri Gave de Pau e Luy de Béarn esas la du maxim longa qui trairas la urbo. Sude del urbo existas streta e profunda vali de lua enfluanti. La mezavalora altitudo dil urbo esas 178 metri e lua maxim alta punto jacas 245 metri super la marala nivelo.
La klimato dil urbo esas montala kun influo oceanala, kun moderema vintri e varma e sika someri (Cfb segun la klimatala klasifikuro da Köppen). La mezavalora temperaturo en agosto (somero) esas 20,7°C, kontre ke la mezavalora temperaturo en januaro (vintro) esas 6,5°C.
La pluvoza sezono iras de oktobro til mayo. La mezavalora yarala pluvo-quanto esas 1069,9 mm, e la maxim pluvoza monato esas novembro, kun mezavalore 116,9 mm.
Pau esas urbo multe verda, kun 750 hektari di boski e parki. Un ek li esas Beaumont, 12-hektara parko kun kaskado e 110 speci di arbori, inkluzite exotika, qui kreskas facile pro la milda klimato dil urbo.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
