L'Olimpiala Ludi en Berlin, 1936, od oficale la 11ma Olimpiala Ludi, esis internaciona plursporta konkurso qua eventis en 1936 en Berlin, Germania.
La Ludi komencis ye la 1ma di agosto e finis ye la 16ma di agosto 1936. Partoprenis 3.962 atleti (331 mulieri e 3632 viri) de 49 landi. Esis 129 eventi de 19 sporti.
Por recevar la Ludi, Germania konstruktis nova stadio por atletismo, 6 gimnastikeyi ed altra min granda areni. Filmifistino Leni Riefenstahl selektesis da Adolf Hitler por cinematografar la Ludi. Adolf Hitler oficale inauguris la Ludi.
Berlin selektesis kom eventeyo en 1931, dum la Weimar-Republiko, ante ke Adolf Hitler e la Nacional-socialista partiso prenis la povo. Altra urbi prizentabis lia kandidatesi por la ludi: Alexandria, Barcelona, Buenos Aires, Köln, Dublin, Frankfurt, Helsinki, Lausanne, Nürnberg, Rio de Janeiro, Budapest e Roma.[1] Ma nur du recevis voti: Barcelona (16) e Berlin (43).
- Jesse Owens, negra Usan atleto, ganis 3 ora medalii por 100-metra, 200-metra e 400-metra kurado, e tale krevis la mito pri la supereso dil "Aryana raso". Malgre to, Owens divenis amiko di Germana atleto Luz Long.[2]
- Hispania ne partoprenis la Ludi pro boikoto e probis organizar populala Olimpiala Ludi ma suspensis li pro la komenco di l'Hispana interna milito un dio antee.
- Televiziono raportis pri l'Olimpiala Ludi unesma-foye.
- Basketbalo ludesis kom olimpiala sporto unesmafoye.
- Peru vinkis Austria per 4-2 en futbalo ma l'Austriani protestis, e l'Olimpiala Komitato impozis nova partio. Proteste, Peru e Kolumbia livis l'Olimpiala Ludi.[3]
- Nacional-socialista Germania ganis omna 6 medalii por kavalk-arto.
- Germana Gotthard Handrick ganis ora medalio por moderna pentatlo.
- Koreana Sohn Kee-chung, qua konkursis sub la nomo Son Kitei por Japonian imperio, vinkis la maratono.
Yen la listo di landi qui ganis adminime 1 medalio en Berlin en 1936.
| # | Lando | Ora | Arjenta | Bronza | Entote |
|---|---|---|---|---|---|
| 1 |  Naziista Germania |
33 | 26 | 30 | 89 |
| 2 |  Usa |
24 | 20 | 12 | 56 |
| 3 |  Hungaria |
10 | 1 | 5 | 16 |
| 4 |  Italia |
8 | 9 | 5 | 22 |
| 5 |  Finlando |
7 | 6 | 6 | 19 |
| 5 |  Francia |
7 | 6 | 6 | 19 |
| 7 |  Suedia |
6 | 5 | 9 | 20 |
| 8 |  Japonia |
6 | 4 | 8 | 18 |
| 9 |  Nederlando |
6 | 4 | 7 | 17 |
| 10 |  Unionita Rejio |
4 | 7 | 3 | 14 |
| 11 |  Austria |
4 | 6 | 3 | 13 |
| 12 |  Chekoslovakia |
3 | 5 | 0 | 8 |
| 13 |  Arjentinia |
2 | 2 | 3 | 7 |
| 13 |  Estonia |
2 | 2 | 3 | 7 |
| 15 |  Egiptia |
2 | 1 | 2 | 5 |
| 16 |  Suisia |
1 | 9 | 5 | 15 |
| 17 |  Kanada |
1 | 3 | 5 | 9 |
| 18 |  Norvegia |
1 | 3 | 2 | 6 |
| 19 |  Turkia |
1 | 0 | 1 | 2 |
| 20 |  India |
1 | 0 | 0 | 1 |
| 20 |  Nova-Zelando |
1 | 0 | 0 | 1 |
| 22 |  Polonia |
0 | 3 | 3 | 6 |
| 23 |  Dania |
0 | 2 | 3 | 5 |
| 24 |  Latvia |
0 | 1 | 1 | 2 |
| 25 |  Rumania |
0 | 1 | 0 | 1 |
| 25 |  Sudafrika |
0 | 1 | 0 | 1 |
| 25 |  Yugoslavia |
0 | 1 | 0 | 1 |
| 28 |  Mexikia |
0 | 0 | 3 | 3 |
| 29 |  Belgia |
0 | 0 | 2 | 2 |
| 30 |  Australia |
0 | 0 | 1 | 1 |
| 30 |  Filipini |
0 | 0 | 1 | 1 |
| 30 |  Portugal |
0 | 0 | 1 | 1 |
| Totali | 130 | 128 | 130 | 388 | |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
