Baselesas la triesma maxim populoza urbo di Suisia, dop Zürich e Genève. Segun statistiki de 2021, ol havis 173 024 habitanti. Lua tota surfaco esas 23,85 km².
Basel | ||
![]() | ||
Kelk imaji pri Basel. | ||
![]() |
![]() | |
Standardo | Blazono | |
Lando: | ![]() | |
Informo: | ||
Latitudo: | 47°34'N | |
Longitudo: | 7°36'E | |
Altitudo: | 260 m | |
Surfaco: | 23,85 km² | |
Habitanti: | 173 024 (2021) | |
Denseso di habitantaro: | 7256 hab./km² | |
Horala zono: | UTC+1 (UTC+2 dum somero) | |
Mapo: | ||
![]() |
![Thumb](http://upload.wikimedia.org/wikipedia/commons/thumb/d/d7/Rathaus-004.jpg/640px-Rathaus-004.jpg)
Ol situesas nord-weste Suisia, apud fluvio Rheno, an la frontiero kun Francia e Germania. L'oficala linguo dil urbo esas la varianto de la Germana parolata en Suisia. Basel judikesas kom "kulturala chef-urbo" di Suisia[1], ed esas famoza pro lua muzei, inkluzite Kunstmuseum, qua esis l'unesma kolekturo pri arto acesebla a publika vizitado. L'urbo havas entote 40 muzei, pro to ol esas un ek la maxim granda kulturala centri de Europa, proporcionale a lua habitantaro.
Lua universitato, fondita en 1460, esas la maxim anciena de Europa. Lua longa historio pri intekektala toleremeso transformis ol en sekura loko por pensisti, exemple Erasmus de Rotterdam, Friedrich Nietzsche, Carl Gustav Jung, ed altri.
Geografio
La reliefo di Basel ne esas multe kolinoza. Lua mezavalora altitudo esas 260 metri e lua maxim alta punto, Wasserturm Bruderholz, jacas 366 metri super la marala nivelo.
La klimato dil urbo esas oceanala (Cfb segun la klimatala klasifikuro da Köppen) kun multa influo kontinentala. Pro to, ol povas havar kelka dii nivoza dum vintro, e someri varma o mem varmega. La mezavalora temperaturo en januaro esas 2,2°C, kontre ke la mezavalora temperaturo en julio esas 20,2°C.
Ne existas monato komplete senpluva. La maxim pluvoza monato esas mayo, kun mezavalore 98 mm, kontre ke la maxim sika monato esas februaro, kun mezavalore 42 mm. La mezavalora yarala pluvo-quanto esas 842 mm.